Kórsetilgen shekten asyp ketse, qunnyń 30% mólsherinde baj salyǵyn tóleý kerek.
Qazaqstanda 1 qazannan bastap shekara ótkelinde taýarlardy baj salyǵynsyz ákelý normalary ózgeredi, dep habarlaıdy Almaty-akshamy.kz
Memlekettik kirister departamentiniń málimetinshe, 1 qazannan bastap qurlyq shekarasynan ótetin azamattar quny 500 eýrodan (qazirgi ýaqytta 1000) jáne salmaǵy 25 keliden (qazirgi ýaqytta 31 keli) aspaıtyn taýarlardy baj salyǵynsyz ákele alady.
Vedomstvoda atap ótkendeı, eger kórsetilgen shekten asyp ketse, qunnyń 30% mólsherinde baj salyǵyn tóleý kerek. Biraq 1 keli asyp ketse 4 eýrodan kem emes.
«Eýrazıalyq ekonomıkalyq odaqtyń kedendik aýmaǵyna tasymaldaýshy jetkizgen nemese halyqaralyq poshta arqyly jóneltiletin jeke paıdalanýǵa arnalǵan taýarlarǵa qatysty 2022 jylǵy 1 qazannan bastap taýarlardyń qunynyń krıterııleri 1000 evrodan 200 eýroǵa deıin tómendetildi. Sonymen qatar salmaq shegi qoldanystaǵy shekterde qalady (31 kelige deıin)», - delingen Memlekettik kirister departamentiniń habarlamasynda.
Temeki
Lımıt ózgerissiz qalady - 200 temeki nemese 50 sıgara (sıgarılla), nemese 250 g temeki nemese 18 jastan asqan jeke adamǵa jalpy salmaǵy 250 g aspaıtyn assortımenttegi kórsetilgen ónimder.
Alkogól
Alkogóldi baj salyǵynsyz ákelý mólsherlemesi de ózgerissiz qalady – 18 jastan asqan jeke adamǵa 3 lıtr.
2022 jyldyń 28 sáýirinen bastap kúshine engen stavkany kóterý týraly ýaqytsha sheshimniń merzimi aıaqtalatyndyqtan, 2022 jyldyń 1 qazanynan bastap jeke tulǵalardyń jeke paıdalanýǵa arnalǵan taýarlardy baj salyǵynsyz ákelý mólsherlemesi tómendeıdi.