Amýr jolbarysynyń Qazaqstanda beıimdelýine múmkindik bar.
Reseılik mamandar Qazaqstanda Amýr jolbarysy popýlásıasyn qalpyna keltirý jobasy aıasynda birinshi kezeńde Reseıden tórt jyrtqyshty jabaıy tabıǵatqa jiberýdi josparlap otyr, dep habarlaıdy Almaty-akshamy.kz
«Amýr jolbarystary» ortalyǵynyń bas dırektory Sergeı Aramılevtiń aıtýynsha, bul úshin ońaltý ortalyǵynda ósken alandar alynady.
«Ázirshe ońaltý ortalyqtaryna túsetin jolbarystar jetkilikti bolady dep esepteımiz. Eger statısıka mundaı bolmasa, jolbarystardy jabaıy tabıǵatta ustaýǵa týra keledi», - dedi Aramılev.
Ol Amýr jolbarysynyń Qazaqstanda beıimdelýine múmkindik bar ekenin aıtty. Qazirgi ýaqytta osy jyrtqyshtar toby qalpyna keltirilip jatqan Amýr oblysynda bul túr HH ǵasyrdyń basynan beri tirshilik etpegen.
«Túrli jynysty tórt jolbarysty jibergen jón. Janýarlardyń minez-qulqy ártúrli bolady. Eger biz erkek pen urǵashy jupty bostandyqqa jibersek, al urǵashy jolbarys «saıahattap», Iranǵa, Irannan Túrkıaǵa attansa, onda ol jup beıimdele almady degen tujyrym jasalady da, biz jobany aıaqtaımyz. Bul janýarlardyń jeke ereksheligi bolýy múmkin. Al ekinshi, úshinshi, tórtinshi, besinshi - bosatylǵan urǵashy jolbarystar eshqaıda ketpeıdi, olar sol jerde qalady. Sondyqtan tórt jyrtqyshty jiberý ońtaıly bolady. Biraq munyń bári sol sátte sol aımaqta bolatyn jolbarystarǵa baılanysty bolady», - dedi Aramılev.
Eske salsaq, Qazaqstan men Reseı respýblıka aýmaǵyna jolbarysty reıntrodýksıalaý týraly kelisimge qol qoıdy. Jyrtqyshtardyń bir bóligi Prımore aýmaǵynan jetkizilýi múmkin. Reseı Prezıdenti Vladımır Pýtın Qazaqstan reseılik tájirıbeniń kómegimen 2025 jyly jolbarystardy Ortalyq Azıaǵa qaıtara alatynyn aıtty.