Esesine ketýshiler azaıypty.
Resmı statısıka boıynsha, Qazaqstannan kóshkender sany úshinshi jyl qatarynan azaıyp jatyr, dep habarlaıdy Almaty-akshamy.kz Ranking.kz-ke silteme jasap.
Bıyl elimizge 4,1 myń adam keldi, bul byltyrǵydan 2 ese kóp. 5,3 myń adam kóship ketti, byltyrǵa qaraǵanda 4,3%-ǵa az.
Qaı óńirde kelýshiler men ketýshiler kóp?
Óńirler arasynda azamattardyń basym bóligi Qaraǵandy (681 adam), Qostanaı (645 adam) jáne Pavlodar (643 adam) oblystarynan ketken.
Mańǵystaý (1,3 myń adam), Almaty oblystary (401 adam) men Almaty (595 adam) qalasyna kóship kelýishiler kóp. Al eń az kóshi-qon Qyzylorda oblysynda. Munda bir adam ketse, bir adam kóship kelgen.
Qazaqstandyqtar qaı elderge kóship jatyr?
Bıyl 3 aıda basym bóligi Reseıge ketken: 4,1 myń adam, byltyrǵydan 7%-ǵa az. Emıgrasıaǵa tanymal 5 elge Germanıa (617 adam), Polsha (125 adam), AQSH (89 adam) jáne Belarýs (57 adam) kiredi.
Qaı elden ımıgranttar kóp?
Qazaqstanda Ózbekstannan 2000-nan astam ımıgrant kelgen, byltyrǵydan 4 ese kóp. Odan bólek Reseıden 810 adam, Túrkimenstannan 218 adam, Qyrǵyzstannan 164 adam jáne Qytaıdan 125 adam kelgen.