26 naýryzǵa deıin qoǵamdyq talqylaýǵa usynylǵan.
Aýyl sharýashylyǵy mınıstrligi «Qazaqstan aýmaǵyna bıdaıdy avtomobıl, sý jáne temirjol kóligimen ákelýge tyıym salýdy engizý týraly» buıryq jobasyn daıyndady, dep habarlaıdy Almaty-akshamy.kz
Joba Qazaqstanǵa úshinshi elderden jáne Eýrazıalyq ekonomıkalyq odaq elderinen avtomobıl, sý jáne temirjol kóligimen bıdaı ımportyna 6 aı merzimge tyıym salýdy kózdeıdi. Alaıda bıdaıdy temir jol arqyly qus jáne un fabrıkalaryna tek óndirý jáne tutyný úshin ákelýge ruqsat etiledi. Bul rette qus jáne un tartý kásiporyndaryna ákelingen bıdaı ishki jáne syrtqy naryqta satylymǵa jatpaıdy.
Sondaı-aq tyıym salý Qazaqstan aýmaǵynan tys jerde bastalatyn jáne aıaqtalatyn temirjol tranzıttik tasymaly aıasynda Qazaqstanǵa ákelinetin bıdaıǵa qoldanylmaıdy.
Túsindirme hatta 12 naýryzda Syrtqy saýda saıasaty jáne halyqaralyq ekonomıkalyq uıymdarǵa qatysý jónindegi vedomstvoaralyq komısıanyń otyrysy ótip, onyń barysynda atalǵan kólik túrlerimen bıdaı ımportyna tyıym salýdy engizý týraly sheshim qabyldanǵany aıtylǵan.
Ázirleýshiler ishki qazaqstandyq naryqta azyq-túlik pen jemdik astyqtyń jetkilikti qory bar dep túsindiredi. Máselen, 2023 jyly 12,1 mln tonna bıdaı jınaldy. Óńdeý jáne eksportqa jóneltý kólemderin eskere otyryp, aǵymdaǵy jyldyń 1 naýryzyndaǵy jaǵdaı boıynsha astyq qory 11,5 mln tonnany quraıdy. Sonymen qatar Azyq-túlik korporasıasy 350 myń tonna jemdik astyqty tikeleı satyp alýdy júzege asyrdy, – delingen habarlamada.
Bul rette Qazaqstan Reseıden qosymsha astyq alady, bul ishki naryqta suranystyń tómendeýine jáne baǵanyń tómendeýine ákelip soǵady. Máselen, QTJ málimetinshe, bıyl qańtar aıynda Reseı Federasıasynan temirjol arqyly 174 myń tonna bıdaı ımporttalǵan, bul 2022 jylǵy deńgeıden (127,8 myń tonna) 35 paıyzǵa artyq. Jazǵy navıgasıa kezeńinde sý kóligimen 29 myń tonna bıdaı ımporttaldy, bul ishki naryqtaǵy reseılik bıdaı kólemin arttyrady.
Importtyń artýy sapasyz bıdaıdy ótkizý máselesin odan ári qıyndatady. Astyq ótkizý naryǵynyń bolmaýy otandyq aýyl sharýashylyǵy taýaryn óndirýshilerdiń qarjylyq jaǵdaıynyń nasharlaýyna alyp keledi, bul 2024 jylǵy egis naýqanynyń úzilýine ákelýi múmkin.