Byltyr dál osy ýaqytta 8,3 mıllıon dollarǵa myń tonna gúl ákelinipti.
2023 jyldyń qańtar - aqpan aılarynda elge salmaǵy 1,3 myń tonna bolatyn, 9,5 mıllıon dollardyń gúli ákelindi, dep habarlaıdy Almaty-akshamy.kz qarjy mınıstrligi memlekettik kirister komıtetiniń baspasóz qyzmetine silteme jasap.
"Gúldiń eń kóp túri - raýshan, 799 tonna ákelindi. Ekinshi orynda – hrızantema, úshinshi orynda – qalampyr", - delingen vedomstvo taratqan aqparatta.
Qazaqstanǵa 192 myń dollar turatyn 35 tonna lalagúl, 377 tonna qyzǵaldaq, lınolıı, gıpsofıla, fenıks, ırıs, gortenzıa jáne basqa da ekzotıkalyq gúlder ımporttaldy. Bulardyń quny 2,2 mln bolady.
"Gúlder Ekvadordan, Nıderlandydan, Kolýmbıadan, Kenıadan, Izraılden, Ózbekstannan, Qytaıdan jáne Túrkıadan ákelindi", - dep qosty memlekettik kirister komıteti.
Byltyr dál osy ýaqytta Qazaqstanǵa 8,3 mıllıon dollarǵa myń tonna gúl ákelingen. Ótken jyly shetelde qazaqstandyq raýshandar suranysqa ıe bolyp, Ózbekstanǵa quny 94 myń dollar turatyn 25 tonna gúl eksporttaldy.