Ózgerister ulttyq ekonomıka mınıstrligi jarlyǵynyń jobasynda kórsetilgen.
Qazaqstannyń kem degende úsh qalasy aýyl sanatyna qosylýy múmkin, dep habarlaıdy Almaty-akshamy.kz
Jarlyqqa sáıkes, halyqtyń sany 10 myń adamnan az, Qazaqstannyń ákimshilik-aýmaqtyq zańnamasynyń talaptaryna sáıkes kelmeıtin qalalar birtindep aýyl mártebesine aýysatyn bolady. Bul ózgerister kelesi eldi mekenderge qatysty:
Stepnák – Aqmola oblysy Birjan sal aýdanynyń ákimshilik ortalyǵy. Qalanyń turaqty turǵyndarynyń sany – 3800 adam.
Temir – Aqtóbe oblysy Temir aýdanyndaǵy qala. Munda 2100 adam turady.
Jem – Aqtóbe oblysy Muǵaljar aýdanyndaǵy qala, halqy – 1500 adam.
Sonymen qatar jarlyqta halqy kóp aýyldardyń mártebesin qaıta qaraý qarastyrylǵan. Qazirgi ýaqytta elde bul mártebege sáıkes kelmeıtin 17 iri aýyl bar.
Qujat “Ashyq NQA” portalynda jarıalandy, 26 qyrkúıekke deıin talqylanbaq.