Azıa Olımpıadalyq keńesi (AOK) uıym komıtetterine engen jańa múshelerin tanystyrdy.
Taǵaıyndaý týraly sheshimdi Azıa Olımpıadalyq keńesiniń prezıdenti Radja Randhır Sıngh Úndistannyń Nú-Delı qalasynda ótken AOK-tyń 44-shi Bas assambleıasynda qabyldady, dep habarlaıdy aqshamnews.kz UOK saıtyna silteme jasap.
AOK komıtetteriniń quramyna Qazaqstan Ulttyq Olımpıada komıtetiniń (UOK) basshylary men qyzmetkerleri endi. Sport komıtetine Qazaqstannyń UOK prezıdenti Gennadıı Golovkın taǵaıyndaldy. Bas hatshy Álimjan Aqaev Halyqaralyq qatynastar komıtetiniń múshesi boldy. PR jáne marketıń departamentiniń dırektory Gúlnaz Shýkenova Medıa jáne BAQ komıtetine kirdi, al Sport departamentiniń bas menedjeri Roman Temirjanov Aqparat jáne statısıka komıtetine qosyldy.
Sonymen qatar, Ortalyq Azıanyń Aımaqtyq antıdopıng uıymynyń (RADOCA) dırektory Venera Abdýlla antıdopıng komısıasynyń múshesi atandy. Jańartylǵan AOK komıtetteri 2028 jylǵa deıin qyzmet atqaratyn bolady.