Jol qyzmetteri kúsheıtilgen rejımde jumys atqarýda.
Aqmola, Aqtóbe, Qostanaı jáne Qyzylorda oblystarynda boran men qalyń qar saldarynan tasjoldaǵy kóriný nasharlap, birqatar jol ýchaskesinde qozǵalysqa shekteý engizildi, dep habarlaıdy Almaty-akshamy.kz «QazAvtoJol» mekemesiniń baspasóz qyzmetine silteme jasap.
Jol qyzmetteri barlyq ýchaskelerde kúsheıtilgen rejımde jumys atqarýda.
Avtokóliktiń barlyq túri úshin kúre joldardyń kelesi ýchaskeleri jabyq tur:
Aqmola oblysynda qozǵalys «Qostanaı-Áýlıekól-Sýrǵan» tasjolynyń Qostanaı oblysynyń shekarasynan Sýrǵan kentine deıin shekteldi.
Aqtóbe oblysynda «Samara-SHymkent» kúre jolynyń Belogorka kentinen Qyzylorda oblysynyń shekarasyna deıingi aralyǵy jabyldy. Sondaı-aq, «Qarabutaq-Komsomol-Denısovka-Rýdnyı-Qostanaı» trassasynyń Qarabutaq kentinen Qostanaı oblysynyń shekarasyna deıingi aralyǵy jabyq tur.
Qostanaı oblysynda «Qarabutaq-Komsomol-Denısovka-Rýdnyı-Qostanaı»; «Denısovka-Jetiqara-Myqtykól»; «Qostanaı-Áýlıekól-Sýrǵan» tasjoldarynyń ýchaskeleri jabyldy.
Qyzylorda oblysynda «Samara-SHymkent» avtojolynyń Aqtóbe oblysynan Aral qalasyna deıingi aralyǵynda qozǵalysqa shekteý engizildi.
Kúre jolda shtattan tys jaǵdaı týyndasa nemese tasjoldardaǵy ahýal týraly qosymsha aqparat alý úshin 1403 qysqa nómirine qońyraý shalý qajet!