Bul suraqqa búgin ótken QR aýmaǵynda koronavırýs ınfeksıanyń taralýyna jol bermeý jónindegi VAK otyrysynda jaýap berildi.
QR Premer-Mınıstriniń orynbasary Eraly Toǵjanov Nur-Sultan, Almaty, Shymkent, Atyraý, Qaraǵandy qalalarynda karantın sharalaryn kúsheıtý týraly sheshim qabyldady, dep habarlaıdy Almaty-akshamy.kz
Rrimeminister.kz saıtynyń málimetinshe, vıse-premer densaýlyq saqtaý mınıstri men Nur-Sultan, Almaty, Shymkent qalalary, Qaraǵandy, Atyraý oblystary basshylyǵynyń óńirlerdegi epıdemıologıalyq jaǵdaı týraly esebin tyńdap, medısınalyq uıymdar men halyqty qajetti dárilik zattarmen jáne medısınalyq buıymdarmen tolyqqandy jáne úzdiksiz qamtamasyz etý boıynsha sharalar qabyldaýdy tapsyrdy.
Vedomstvoaralyq komısıa eldegi táýliktik syrqattanýshylyqtyń 65%-yn jáne táýliktik ólim-jitim jaǵdaılarynyń 55%-yn quraıtyn Nur-Sultan, Almaty, Shymkent, Atyraý, Qaraǵandy qalalarynda karantın sharalaryn kúsheıtý týraly sheshim qabyldady.
Bul óńirlerde bıylǵy jyldyń 2 tamyzynan bastap mynadaı shekteý sharalary kúshine enedi: ortalyq memlekettik organdardy, ákimdikterdi, quqyq qorǵaý organdaryn, densaýlyq saqtaý uıymdaryn, BAQ-ty, azyq-túlik dúkenderin, dárihanalardy jáne tirshilikti qamtamasyz etý uıymdaryn qospaǵanda, Ashyq jobasyna qatyspaıtyn barlyq kásiporyndar men uıymdardyń qyzmetin toqtata turý; oıyn-saýyq, sporttyq, otbasylyq, estelik jáne ózge de buqaralyq is-sharalardy ótkizýge tyıym salý; memlekettik organdar, keńseler, ulttyq kompanıalar men ózge de uıymdar qyzmetkerleriniń 80%-yn qashyqtan jumys isteýge aýystyrý (vaksına saldyrǵandardy jáne sońǵy 3 aı ishinde aýyryp jazylǵandardy qospaǵanda).
Sondaı-aq, Aqmola, Almaty, Qaraǵandy oblystarynyń ákimdikterine Nur-Sultan (Býrabaı, Selınograd, Arshaly aýdandary), Almaty (Qarasaı, Talǵar, İle, Eńbekshiqazaq aýdandary), Shymkent qalalarymen (Saıram, Tólebı aýdandary), Qaraǵandymen (Temirtaý, Shahtınsk, Abaı) shekaralas aýdandarynda karantın sharalaryn kúsheıtý boıynsha sharalar qabyldaý usynyldy.