Oqýshylar hımıa páninen baq synady.
Jeńimpazdardy Almaty halyqaralyq áýejaıynan mektep ujymy men ata-analary kútip aldy, dep habarlaıdy Almaty-akshamy.kz.
24.kz aqparatyna súıensek, Astana, Óskemen, Pavlodar jáne Aqtaýdan iriktelgen tórt oqýshy Shveısarıanyń Súrıh qalasyndaǵy dástúrli dodaǵa qatysty. Olar – Nazarbaev zıatkerlik mektebiniń jáne arnaıy lıseıdiń shákirtteri.
10 kúndik jarysta bilimdi jastarymyz 1 altyn, 2 kúmis, 1 qola medalǵa ıe boldy. Saıystyń birinshi kezeńi teorıalyq, ekinshisi laboratorıalyq formatta ótti. Halyqaralyq olımpıadaǵa 89 elden 360-qa jýyq oqýshy qatysqan. Tapsyrma qıyn bolǵandyqtan, júldeden úmit az boldy, - deıdi jeńimpazdar.
«2 týr da, meniń oıymsha, qıyn boldy. Biraq praktıkalq tapsyrmalar 4 jyldyń ishinde birinshi ret jazyp otyrmyz. Sebebi 3 jyl buryn barlyq tapsyrmalar offlaın túrde ótken. Bul Súrıhte ótken olımpıada – osy 4 jyl ishindegi jalǵyz offlaın ótken olımpıadalardyń biri», - deıdi Nazarbaev zıatkerlik mektebiniń oqýshysy Sanjar Bısenálı.