Qazaqstannyń ońtústiginde sýarmaly sýdyń shyǵyny azaıdy.
Bul ırrıgasıa jáne drenajdy júıelerdi jetildirý boıynsha jobanyń nátıjesinde múmkin boldy. Atap aıtqanda, joba Almaty, Jambyl, Qyzylorda jáne Túrkistan oblystarynda 105,1 myń ga aýmaqta iske asyrylyp jatyr, dep habarlaıdy Almaty-akshamy.kz sala mınıstrligine silteme jasap.
Jobany júzege asyrý bastalǵannan beri 74,5 myń ga sýarmaly jerge sý berý jaqsardy, ırrıgasıalyq jelilerdegi sý shyǵyny 193 mln tekshe metrge deıin azaıdy.
«Sýarmaly sýdy únemdeý jáne tıimdi paıdalaný – qazirgi ýaqytta mınıstrliktiń nazaryndaǵy basym baǵyttardyń biri. Ásirese, Qazaqstannyń ońtústik óńirlerinde óte ózekti. Sonymen qatar, vedomstvo Almaty, Jambyl, Qyzylorda jáne Túrkistan oblystarynda 3500 shaqyrym sýarý jelilerin sıfrlandyrý boıynsha jumys júrgizip jatyr», – dedi QR Sý resýrstary jáne ırrıgasıa mınıstri Nurjan Nurjigitov.