QR Saýda jáne ıntegrasıa mınıstrligi Qazaqstan Respýblıkasyndaǵy merekelik kúnder tizimine qosymsha ázirledi.
Atap aıtqanda, merekelik kúnder tizbesin 20 tamyz - Elektrondyq komersıa kúni etip tolyqtyrý josparlanýda, dep habarlaıdy Almaty-akshamy.kz Egemen.kz-ke silteme jasap.
«Jobany qabyldaý Qazaqstanda elektrondyq komersıanyń aǵymdaǵy jaǵdaıy men damýyna arnalǵan is-sharalardy jyl saıyn ótkizýge, Elektrondyq komersıa kúni aıasynda elektrondyq komersıa salasynyń úzdik jobalaryn marapattaýǵa múmkindik beredi», - delingen túsindirme jazbada.
Budan basqa, halyq arasynda elektrondyq komersıany tanymal etý jáne onlaın-satyp alýdy júzege asyrýdy yntalandyrý jónindegi is-sharalardy ótkizý josparlanýda.
Onyń ishinde elektrondy saýda alańdary men ınternet-dúkender arasynda keńse taýarlary men mektep kerek-jaraqtaryn jeńildikpen satý boıynsha aksıalar men onlaın jármeńkeler uıymdastyrý, bul birinshi kezekte ata-analarǵa (onyń ishinde halyqtyń áleýmettik jaǵynan osal toptaryna) balalardy jańa oqý jylyna tómendetilgen baǵamen daıyndaýǵa múmkindik beredi.
ISM-niń pikirinshe, osynyń barlyǵy elektrondyq komersıanyń damýyna aıtarlyqtaı serpin beredi, nátıjesinde bul strategıalyq kórsetkishke qol jetkizýge ákeledi.