Galstýk endi mindetti element emes.
Bilim mınıstriniń 2022 jylǵy 30 jeltoqsandaǵy buıryǵymen orta bilim berý uıymdarynyń mektep formasyna qoıylatyn talaptarǵa ózgerister engizildi, dep habarlaıdy Almaty-akshamy.kz
Sonymen, qyzdarǵa da, uldarǵa da mektep formasynyń elementterine túımeleri nemese ysyrmasy bar toqylǵan jempir / kardıgan, polo jeıde nemese fýtbolka qosylady.
Uldarǵa arnalǵan mektep formasyna mynalar kiredi:
pıdjak, jeńsiz, shalbar, kóılek, kúndelikti jeıde nemese túımeleri álde ysyrmasy bar toqylǵan kýrtka/kardıgan, polo jeıde nemese fýtbolka (qysqy kezeń: toqylǵan jeńsiz). Er balalarǵa arnalǵan shalbar, uzyn jáne aıaqtyń tobyǵyn jabady.
Qyzdarǵa arnalǵan mektep formasyna mynalar kiredi:
pıdjak, jeńsiz, beldemshe, shalbar, klasıkalyq blýzka nemese túımeleri álde ysyrmasy bar toqylǵan kýrtka/kardıgan, polo jeıde nemese fýtbolka (qysta: toqylǵan jeńsiz, sarafan). Qyzdarǵa arnalǵan shalbar aıaqtyń tobyǵyn jaýyp turýy shart.
Sonymen birge, kıim úlgisine (uldarǵa aq kóılek, qyzdarǵa aq blýzka) qoıylatyn talap alynyp tastaldy.
Sondaı-aq, galstýk endi mindetti element emes.
Mektep formasyna erekshe belgilerdi: emblemany, pachty, shevrondy jáne basqa da orta bilim berý uıymdarynyń ataýlaryn ornalastyrýǵa ruqsat etiledi.
Mektep formasyna arnalǵan matalar retinde tozý tózimdiligi joǵary, bakterıaǵa qarsy, mıkrobqa qarsy jáne antıstatıkalyq qasıetteri bar jartylaı jún jáne maqta matalardy qoldanǵan jón. Buryn bul mindetti talap bolatyn.
Mektep formasy máselelerin talqylaýǵa balalardyń ata-analary men basqa da zańdy ókilderi, mekteptiń ózin-ózi basqarý músheleri, qamqorshylyq keńesi jáne ata-analar komıteti qatysyp, óz usynystaryn engizýi kózdeledi.
Mektep formasynyń stılin jáne beldemsheniń uzyndyǵyn tańdaýdy orta bilim berý uıymy jáne jalpy mektep ata-anasynyń hattamasymen bekitetin keńes (qamqorshylyq keńes, ata-analar komıteti, mekteptiń ózin-ózi basqarý organy) anyqtaıdy.
Bul rette bilim berý organdary otandyq óndirýshilerden mektep formasyn satyp alýdy usynýy múmkin, biraq olar mektep formasyn shyǵaratyn jekelegen óndirýshilerge artyqshylyq bere almaıdy.
Mektep formasyn satyp alǵanda, ata-analar óndirýshini tańdaýda táýelsiz.
Buıryq 2023 jylǵy 10 qańtardan bastap qoldanysqa engiziledi.