Almatyda bir jyl burynǵydan 36,8% kóp qylmys tirkelgen.
2022 jyldyń qorytyndysy boıynsha, elimizde 223 medısınalyq qylmystyq quqyq buzýshylyq tirkelgen, dep habarlaıdy Almaty-akshamy.kz Finprom.kz-ke silteme jasap.
Byltyrǵy osy kezeńde quqyq buzýshylyqtar sany 18% tómendep, 210 jaǵdaı bolǵan. Óńirlik turǵyda mundaı quqyq buzýshylyqtardyń basym bóligi Almatyda tirkelgen: 26 oqıǵa – bir jyl burynǵydan 36,8% kóp.
Kóshbasshy úshtikke Astana (21 jaǵdaı, jyl saıynǵy ósim 2,1 ese) jáne Almaty oblysy (20 jaǵdaı, mınýs 47,4%) kirdi. Saladaǵy quqyq buzýshylyqtardyń eń azy Jetisý, Ulytaý jáne Aqtóbe oblystarynda tirkelgen.
Medısınadaǵy qylmystyq quqyq buzýshylyqtardyń barlyǵy (96,4%) medısına nemese farmasevtıka qyzmetkerleriniń kásibı mindetterin tıisinshe oryndamaýyna baılanysty boldy: 215 jaǵdaı, jylyna + 5,4%. Taǵy 6 fakti - zańsyz medısınalyq jáne farmasevtıkalyq qyzmet pen reseptterdi zańsyz berý nemese qoldan jasaý, Bir fakti zańsyz túsik túsirý jáne jalǵan dárilik zattarmen, medısınalyq buıymdarmen nemese medısınalyq tehnıkamen jumys isteýge qatysty.
Osy arada QR Densaýlyq saqtaý mınıstrliginde memlekettik organnyń oń ımıjin qalyptastyrý, memlekettik qyzmetshilerge zańda kózdelgen qyzmettik etıka normalaryn saqtaý jáne shekteýler máseleleri talqylandy.
Densaýlyq saqtaý mınıstrliginiń Ádep jónindegi ýákilderi áleýmettik jelilerde, azamattarmen telefon arqyly sóılesý kezinde, memlekettik qyzmet kórsetý kezinde, baqylaý-qadaǵalaý fýnksıalaryn júzege asyrý kezinde, issaparǵa shyǵý kezinde qyzmettik etıka normalaryn saqtaý qajet ekenine toqtaldy. Múddeler qaqtyǵysy bolǵan jaǵdaıda sybaılas jemqorlyqqa qarsy minez-qulyq daǵdylaryn damytý máselesin kóterdi.