Bul – aıazǵa tózimdi daqyl.
Atalǵan sort synaqtan sátti ótip, jaqsy jersingen, dep habarlaıdy Almaty-akshamy.kz
«Ulttyq agrarlyq ǵylymı-bilim berý ortalyǵynyń ǵalymdary kúzdik bıdaıdyń jańa sortyn gıbrıdti popýlásıadan jeke suryptaý nátıjesinde shyǵardy», dep habarlaıdy aýyl sharýashylyǵy mınıstrligi.
"Shól" dep atalatyn jańa sort Gostıaným (Hostianum) gıbrıdti túrine jatady.
"Shóldiń" tańǵajaıyp sıpattamalaryna kelsek, uzyndyǵy 8-12 sm sılındrli masaqtary bar, qurylymy tyǵyz, 10 sm-ge jetetin 14-18 tikenekti túkteri bolady. Dáni shyny tárizdi, jartylaı uzyn, iri, qyzyl tústi, túbi tegis, ortańǵy oıyǵy bar.
Sorttyń sharýashylyq qundylyǵy onyń joǵary ónimdiliginen baıqalady. 1000 dánniń salmaǵy 40,8-49,0 g, kólemi 757-820 g/l, negizgi masaqtaǵy dán sany 45,5-60,5 túıirge jeteji. Eń bastysy "Shól" sorty qysqy sýyq pen jazǵy ystyqqa jáne qurǵaqshylyq pen aýrýǵa da tózimdi.
Jańa sort sýarmalary jerler men tyńaıtqyshtardy paıdalaný jaǵdaıynda ósirý úshin usynylady. Pisken kezde dáni shashylmaıdy jáne ońaı bastyrylady. "Shól" ónimdiligi 25,5-40,5 s/ga-ny quraıdy.
Bul sort synaqtan sátti ótti jáne jersindirý jumysynda da jaqsy nátıje berdi. Ǵalymdar tyń ónimge patent alyp, aýyl sharýashylyǵy kásiporyndarymen tabysty paıdalanylýda. Ǵalymdar men seleksıonerler jańa "Shól" sorty mol ónim ákelip, aýyl sharýashylyǵy salasynda ónimdilik kórsetkishterin arttyrady dep senedi.