Toqaevtyń Germanıaǵa saparynda úshjaqty yntymaqtastyq kelisimge qol qoıyldy.
Sút óndirý salasyndaǵy biliktilikti arttyrý Almaty oblysyndaǵy "Baıserke Agro" oqý-ǵylymı-óndiristik ortalyǵynyń bazasynda ótedi, dep habarlaıdy Almaty-akshamy.kz
"GFA Consulting Group GmbH (Germanıa), Qazaq agrotehnıkalyq ýnıversıteti jáne "Beıserke Agro" holdıńi arasynda mal sharýashylyǵy salasynda jumysshylardy daıarlaý salasyndaǵy yntymaqtastyq týraly úshjaqty kelisimge qol qoıyldy. Kelisim aıasynda sút óndirýshilerge arnalǵan konsýltasıalyq-oqytý ortalyǵy ashylady. Jobanyń bastamashysy QR Aýyl sharýashylyǵy mınıstrligi", - delingen vedomstvo taratqan aqparatta.
Fermerler men aýyl sharýashylyǵy qyzmetkerlerin oqytý úshin agroholdıng ınfraqurylymdy 30 oryndyq daıyn jataqhanamen, asqanamen, teorıalyq kabınettermen, tájirıbe daǵdylaryn meńgerý úshin saýynnyń zamanaýı túrleri bar sút fermasymen qamtamasyz etedi.
Dál osyndaı ortalyq qazirdiń ózinde elimizdiń soltústiginde jumys isteıdi. Onda Aqmola, Qostanaı, Pavlodar jáne Soltústik Qazaqstan oblystaryndaǵy 16 tájirıbelik sharýashylyqtyń mamandary bilim alyp jatyr. Tájirıbe jumysy sıyrlardyń ónimdiligin arttyrýǵa, jem-shópke taldaý júrgizýge, fermadaǵy jumys hattamasyn qurýǵa jáne oryndaýǵa baǵyttalǵan.