Qazgıdromet sınoptıkteri 16 maýsym, jumaǵa arnalǵan aýa raıy boljamyn usyndy.
Joǵary qysymnyń áserinen respýblıkanyń basym bóliginde jaýyn-shashynsyz aýa raıy saqtalady, dep habarlaıdy Almaty-akshamy.kz.
Tek Qazaqstannyń batysta, soltústik-batysta, qıyr shyǵysynda atmosferalyq fronttar júrip ótedi, saldarynan naızaǵaı jarqyldap, ótkinshi jańbyr jaýady.
Elimizdiń batysynda burshaq jaýyp, daýyl soǵýy yqtımal.
Respýblıka boıynsha jel kúsheıedi. Eldiń ortalyǵynda shańdy daýyl turady.
Kúndiz Ulytaý, Qyzylorda oblystarynyń basym bóliginde, Atyraý oblysynyń soltústiginde, shyǵysynda, ońtústiginde, Batys Qazaqstan oblysynyń ońtústiginde, shyǵysynda, Aqtóbe oblysynyń batysynda, ońtústiginde, Almaty oblysynyń soltústiginde, ortalyǵynda, Túrkistan oblystarynyń shóldi aýdandarynda qatty ystyq saqtalady.
Jetisý, Abaı, Túrkistan, Aqtóbe, Qyzylorda, Aqmola, Shyǵys Qazaqstan, Jambyl, Mańǵystaý, Soltústik Qazaqstan oblystarynda, Ulytaý oblysynyń ortalyǵynda, ońtústiginde, Almaty oblysynyń soltústiginde, ońtústiginde, Qaraǵandy oblysynyń ońtústiginde, Qostanaı oblysynyń ońtústik jartysynda, Batys Qazaqstan oblysynyń ońtústiginde, shyǵysynda, Atyraý oblysynyń soltústiginde, shyǵysynda, ońtústiginde, Pavlodar oblysynyń soltústiginde, batysynda tótenshe órt qaýpi bar.