Elimizdiń áskerı teńizshileri Armıa halyqaralyq oıyndaryna daıyndalýda
Qazaqstan Áskerı-teńiz kúshteriniń áskerı qyzmetshileri Armıa halyqaralyq oıyndary aıasynda ótetin «Teńiz kýbogy-2021» konkýrsyna qatysady, dep habarlady Almaty-akshamy.kz QR Qorǵanys mınıstrliginiń saıtynda jarıalanǵan habarǵa silteme jasap.
Jarysta teńiz betinde myqty eptilik kórsetken keme ekıpajy anyqtalady.
Bul konkýrsqa qatysý úshin negizgi jáne rezervtegi kemeler belgilendi. «Saryarqa» zymyran-artıllerıalyq kemesi – negizgi, al «Mańǵystaý» – rezervtegi keme retinde belgilendi.
Daıarlyq kezinde áskerı qyzmetshiler áýe jáne sý ústi shartty nysanalaryn is júzinde atýdy oryndaıdy. Júzýshiler qutqarý quraldaryn qoldaný kezeńine daıyndalýda. Kemeniń myqtylyǵyn kórsetý jolyndaǵy kúreske erekshe nazar aýdarylady.
Atalmysh «Teńiz kýbogy» baıqaýy 2015 jyldan bastap ótkiziledi. Elimizdiń áskerı teńizshileri 2015, 2016 jáne 2018 jyldary konkýrstyń kúmis júldegerleri atanyp, al 2017 jáne 2019 jyldary úshinshi oryn ıelengen bolatyn.
Bıyl halyqaralyq konkýrs Iranda ótedi.
