QR Mádenıet jáne sport mınıstri Nadejda Dýbovıskaıany qabyldady
Búgin Qazaqstan Respýblıkasynyń Mádenıet jáne sport mınıstri Aqtoty Raıymqulova jeńil atlet Nadejda Dýbovıskaıany qabyldap, Almatyda ótken el chempıonatynda Azıa rekordyn jańartýymen quttyqtady, dep habarlady Almaty-akshamy.kz QR Mádenıet jáne sport mınıstrliginiń saıtyndaǵy habarǵa silteme jasap.
Sportshy 6-9 maýsym aralyǵynda Almatydaǵy Ortalyq stadıonda ótken jeńil atletıkadan 241 sportshy baq synaǵan Qazaqstan chempıonatynda 2 metr bıiktikke sekirgen edi. Buǵan deıingi sary qurlyqtyń úzdik nátıjesin (1,99 m) taǵy bir otandasymyz Marına Aıtova 2009 jyly tirkegen edi.
Aıta keteıik, Nadejdanyń osyǵan deıingi úzdik nátıjesi byltyr Stambýlda ótken IstanbulI ndoor Athletics Cup halyqaralyq týrnırinde tirkelgen. Qazaqstan quramasynyń sportshysy 1,9 metrmen top jarǵan edi. Budan bólek, ol 2019 jyly Dohada ótken Azıa chempıonatynyń kúmis, 2018 jyly Tegeranda jabyq ǵımaratta ótken Azıa chempıonatynyń qola, 2018 jyly Djakartada ótken Azıa oıyndarynyń qola júldegeri. 23 jastaǵy atlettiń bas bapkeri – Ivan jáne Elena Hıjnákovtar.
