Reseı Federasıasynda UQSHU bitimgershilik kúshteri arasynda «Myzǵymas baýyrlastyq-2021» oqý-jattyǵýynyń saltanatty ashylý rásimi ótti, dep habarlaıdy almaty-akshamy.kz QR QM baspasóz qyzmetine silteme jasap.
Áskerı manevrlerge Armenıa, Belarýs, Qazaqstan, Qyrǵyzstan, Reseı jáne Tájikstannyń bitimgershilik bólimsheleri qatysady. Olardyń negizgi maqsaty – beıbitshilikti qoldaý jónindegi operasıalardy júrgizý kezinde UQSHU ujymdyq bitimgershilik kúshteriniń quramyna kiretin áskerı bólimder men bólimshelerdiń úılesimdiligin arttyrý.
Birikken áskerı kontıngent beıbitshilikti qoldaý jónindegi operasıany daıyndaý men júrgizý boıynsha tapsyrmalardy pysyqtaıdy. Olar gýmanıtarlyq júkterdi alyp júrý, jerlerdi patrúldeý, daǵdarys aýmaǵynda shıelenisterdi retteý úshin tosqaýyl beketterin uıymdastyrý jáne eldi mekendi buǵattaý.
Buǵan qosa, bitimgerler bosqyndar lageri men tekserý pýnkterindegi jumysty uıymdastyrýda tájirıbe jınaqtaıdy.
Bul oqý-jattyǵýǵa UQSHU-ǵa múshe memleketterdiń qarýly kúshteri men quqyq qorǵaý organdarynyń 1,7 myńnan asa áskerı qyzmetshisi, sondaı-aq 300-den astam jaýyngerlik tehnıka, Mı-8 jáne Mı-24 tikushaqtary jumyldyryldy.