Aýa raıyn boljaýshylar tuman men kóktaıǵaqqa baılanysty abaı bolýǵa keńes beredi.
«Qazgıdromet» RMK 1 naýryzda aýa raıynyń buzylýyna baılanysty birneshe óńirde eskertý jarıalady, dep habarlaıdy Almaty-akshamy.kz
Qyzylorda oblysynyń ortalyǵynda tuman kútiledi.
Batys Qazaqstan oblysynyń batysynda, ońtústiginde kóktaıǵaq bolady. Óńirdiń batysynda, soltústiginde tuman boljanady.
Atyraý oblysynyń soltústiginde, batysynda jáne ortalyǵynda tuman kútiledi.
Aqmola oblysynyń batysy men ońtústigin tuman basady. Soltústik-shyǵystan soqqan jel ońtústik-batysqa aýysady, óńirdiń soltústik jartysynda 15-20 m/s kúshpen jel turady.
Qostanaı oblysynyń soltústiginde, ońtústiginde tuman bolady.
Mańǵystaý oblysynyń batysynda jáne ortalyǵynda tuman kútiledi.
Túnde jáne tańerteń Pavlodar oblysynyń soltústiginde, ortalyǵynda tuman, kúndiz oblystyń soltústiginde jaıaý burqasyn boljanady. Ońtústik-batystan jel soǵady, kúndiz oblystyń soltústiginde onyń jyldamdyǵy 15-20 m/s artady.
Kúndiz Soltústik Qazaqstan oblysynyń soltústik-shyǵysynda jaıaý burqasyn kútiledi. Óńirdiń ońtústiginde tuman boljanady. Ońtústik-batystan, batystan jel soǵady, óńirdiń soltústik-shyǵysynda, shyǵysynda ekpini 25 m/s jetedi.
Túnde jáne tańerteń Túrkistan oblysynyń taýlarynda qatty jaýyn-shashyn (jańbyr, qar) bolady. Ońtústik-batystan jel soǵady, taýly aýdandarda ekpini 15-20 m/s quraıdy.
Budan bólek, 1-2 naýryz aralyǵynda Batys Qazaqstan, Aqtóbe (ońtústik) oblystaryndaǵy ózen baseınderinde erigen qar aǵynynyń qalyptasýy jáne ózenderde sý deńgeıleriniń kóterilýi kútiledi.