Almaty-Óskemen tasjolynyń Úsharal qalasy men Shyǵys Qazaqstan óńiri aralyǵy jabyldy.
Elimizdiń 7 óńirindegi respýblıkalyq mańyzy bar 34 tasjol ýchaskesi jabyq, dep habarlaıdy Almaty-akshamy.kz «QazAvtoJol» ulttyq kompanıasyna silteme jasap.
Aqmola óńirinde Astana-Qabanbaı batyr-Kıevka-Temirtaý tasjolynyń Qabanbaı batyr aýyly men Qaraǵanda óńiri shekarasy aralyǵy jabyq tur.
Jetisý óńirinde Úsharal-Dostyq kúre jolynyń Kóktuma beketinen Dostyq beketine deıingi aralyǵy jabyq. Sonymen qatar, Almaty-Óskemen tasjolynyń Úsharal qalasy men Shyǵys Qazaqstan óńiri aralyǵy jabyldy.
Shyǵys Qazaqstan óńirinde 15 jol ýchaskesi jabyldy. Olardyń qatarynda Omby-Maıqapshaǵaı, Semeı-Qaınar, Almaty-Óskemen, Taskesken-Bahty tasjoldary bar.
Jambyl óńirinde Almaty-Tashkent-Termez tasjolynyń Kenen aýylynan Qaınar aýylyna deıingi aralyǵy jabyldy.
Qaraǵandy óńirinde toǵyz kúre joldyń ýchaskeleri áli de jabyq tur. Shekteý Qaraǵandy men Balqash arasynda, Aqmola óńiriniń shekarasynan Temirtaý qalasyna deıingi aralyqta, Qaraǵandy men Pavlodar arasynda, Bastaý aýyly men Temirtaý arasynda engizildi.
Qostanaı óńirinde Ulytaý óńiriniń shekarasynan Arqalyq qalasyna deıingi aralyq jabyq tur.
Pavlodar óńirinde Qaraǵandy oblysynyń shekarasynan Shiderti aýylyna deıingi aralyq, Qalqaman aýylynan Qaraǵandy óńiriniń shekarasyna deıingi aralyq, Kenjekól aýylynan Abaı óńiriniń shekarasyna deıingi aralyq, Aqsý qalasynan Abaı óńiri shekarasyna deıingi aralyǵy jabyq.