Bas prokýratýrada sý tasqyny boıynsha barlyq múddeli organdardy tartýmen (TJM, İİM, Ekologıa mınıstrligi men Qazgıdromet) vedomstvoaralyq jedel keńes ótti.
Tótenshe jaǵdaılar mınıstrliginiń ókili aǵymdaǵy ózekti jaǵdaıdy baıandady, dep habarlaıdy Almaty-akshamy.kz Bas prokýratýraǵa silteme jasap.
Eń qıyn jaǵdaı Aqmola, Aqtóbe, Shyǵys Qazaqstan, Batys Qazaqstan, Qostanaı, sondaı-aq Abaı, Ulytaý oblystarynda baıqalady.
Respýblıkalyq jáne 12 oblystyq shtabtar ornalastyryldy. Senim telefony jumys isteýde jáne táýlik boıy kezekshilik uıymdastyryldy.
Jergilikti ákimdikter, polısıa jáne tótenshe jaǵdaılar organdary sý basqan nysandardy soryp alý jáne habarlamalardy qalpyna keltirý boıynsha shuǵyl jumystar júrgizýde. 94 adam evakýasıalandy.
Barlyǵy 2,5 myń qyzmetker men 693 tehnıka, 288 sýdy soryp alý qondyrǵylar jumyldyryldy.
Qabyldanǵan sharalarǵa qaramastan, atalǵan aımaqtarda turǵyn úılerdi, aýla aýmaqtaryn jáne jertólelerdi sý basý oryn alýda. Joldy shaıyp ótýdiń 7 jaǵdaıy tirkeldi.
Aýa raıynyń turaqsyzdyǵyn eskere otyryp, sonyń ishinde nóserli jańbyr, aýa temperatýrasynyń kóterilýi, aldaǵy kúnderi sý basý qaýpi saqtalady.
Sondyqtan keńeste gıdrotehnıkalyq qurylystardyń jaı-kúıi, eldi mekenderdi, joldar men kópirlerdi ınjenerlik qorǵaý, turǵyndardy ýaqtyly evakýasıalaýdy qamtamasyz etý, evakýasıalaý pýnktteriniń daıyndyǵy, alǵashqy medısınalyq-áleýmettik kómek kórsetý máseleleri de talqylandy.
Halyqty eskertý júıeleriniń (sırenalar, jergilikti eskertý júıeleri jáne t.b.) úzdiksiz jumysyn qamtamasyz etý qajettiligine erekshe nazar aýdarylady.
Óz kezeginde polısıa organdary tasqyndy joıý jumystary kezinde qaýipsizdik pen quqyqtyq tártipti qamtamasyz etýge baǵyttalǵan.
Keńes qorytyndysy boıynsha oblys prokýrorlary men ýákiletti memlekettik organdarǵa birlesip turǵyndardan túsetin sıgnaldarǵa barynsha den qoıý jáne sý tasqynynan zardap shekken adamdarǵa kómek kórsetýge jedel sharalar qabyldaý qajettigi aıtyldy.