Qar, kóktaıǵaq, tuman.
Sınoptıkter 31 jeltoqsanda Astana, Shymkent jáne Qazaqstannyń 15 óńirine daýyldy eskertý jarıalady, dep habarlaıdy aqshamnews.kz "Qazgıdromet" RMK-nyń baspasóz qyzmetine silteme jasap.
Kúndiz Almaty oblysynyń taýly aýdandarynda azdap qatty qar jaýady dep kútiledi. Oblystyń soltústiginde, ońtústiginde kóktaıǵaq bolýy múmkin.
Túnde Pavlodar oblysynyń soltústiginde tuman túsedi dep kútiledi. 1 qańtarda túnde jáne tańerteń Pavlodar oblysynyń ońtústiginde, shyǵysynda tuman bolady. Kúndiz oblystyń batysynda, soltústiginde, ońtústiginde jaıaý burqasyn júredi. Oblystyń batysynda, ońtústiginde ońtústik-batystan jel soǵady, ekpini - 15-20 m/s. 2 qańtarda Pavlodar oblysynda burqasyn júredi, ońtústik-batystan soqqan jeldiń ekpini 15-20 m/s, al batysynda, soltústiginde, ońtústiginde 23-28 m/s deıin jetedi.
Qaraǵandy oblysynyń batysynda, soltústiginde, ońtústiginde tuman bolady dep boljanady. 1 qańtarda túnde oblystyń ońtústiginde, shyǵysynda, kúndiz oblystyń batysynda, soltústiginde burqasyn júredi dep kútiledi. Kúndiz oblystyń batysynda, soltústiginde, ońtústiginde ońtústik-batystan soqqan jeldiń ekpini 15-20 m/s quraıdy. 2 qańtarda burqasyn júredi. Ońtústik-batystan jel soǵady, ekpini - 15-20 m/s, oblystyń soltústiginde, ortalyǵynda, shyǵysyndaǵy ekpini 23-28 m/s deıin jetedi. Qaraǵandyda 31 jeltoqsanda túnde jáne tańerteń tuman bolady dep kútiledi. 1 qańtarda kúndiz burqasyn júredi, ońtústik-batystan jel soǵady, kúndizgi ekpini - 15-20 m/s. 2 qańtarda da burqasyn júredi. Ońtústik-batystan jel soǵady, ekpini 15-20 m/s, keı tusta 23-28 m/s deıin jetedi.
31 jeltoqsanda Ulytaý oblysynyń batysynda, shyǵysynda, ortalyǵynda tuman bolady dep kútiledi. 1 qańtarda túnde oblystyń ońtústiginde, shyǵysynda, kúndiz oblystyń batysynda, soltústiginde, ortalyǵynda burqasyn júredi. Ońtústik-batystan jel soǵady, túnde oblystyń batysynda, soltústiginde, ońtústiginde, kúndiz oblystyń soltústiginde, ońtústiginde, ortalyǵynda soqqan jeldiń ekpini 15-20 m/s quraıdy. 2 qańtarda oblystyń batysynda, soltústiginde, ortalyǵynda burqasyn júredi. Ońtústik-batystan jel soǵady, ekpini - 15-20 m/s, oblystyń batysynda, soltústigindegi ekpini 23-28 m/s deıin jetedi. Jezqazǵanda 31 jeltoqsanda tuman bolady. 1 qańtarda kúndiz burqasyn júredi dep kútiledi. Ońtústik-batystan jel soǵady, kúndizgi ekpini - 15-20 m/s. 2 qańtarda da burqasyn júredi. Ońtústik-batystan jel soǵady, ekpini - 15-20 m/s.
Kúndiz Qostanaı oblysynyń soltústiginde jaıaý burqasyn júredi dep kútiledi. Oblystyń ońtústiginde, shyǵysynda tuman bolady. Ońtústik-batystan jel soǵady, kúndiz oblystyń batysynda, soltústiginde soqqan jeldiń ekpini 15-20 m/s quraıdy. Qostanaıda 1-2 qańtarda burqasyn júredi dep kútiledi. Ońtústik-batystan jel soǵady, ekpini - 15-20 m/s.
Qyzylorda oblysynyń ortalyǵynda, shyǵysynda kóktaıǵaq, oblystyń shyǵysynda, soltústiginde, ortalyǵynda tuman bolady dep boljanady. Qyzylordada kóktaıǵaq, tuman bolady dep kútiledi.
Kúndiz Atyraý oblysynyń batysynda, ońtústiginde kóktaıǵaq bolady dep kútiledi. Oblystyń soltústiginde, ońtústiginde, shyǵysynda tuman bolady. Atyraýda túnde jáne tańerteń tuman túsedi dep kútiledi.
Abaı oblysynda jaıaý burqasyn júredi dep boljanady. Oblystyń soltústiginde, ońtústiginde tuman túsedi.
Astanada 31 jeltoqsanda túnde jáne tańerteń tuman bolady.
Shyǵys Qazaqstan oblysynda jaıaý burqasyn júredi dep kútiledi. Oblystyń soltústiginde tuman túsedi.
Soltústik Qazaqstan oblysynyń shyǵysynda, ońtústiginde tuman bolady dep kútiledi. Ońtústik-batystan, ońtústikten jel soǵady, kúndiz oblystyń batysynda, soltústiginde, ońtústiginde soqqan jeldiń ekpini 15-20 m/s quraıdy. Petropavlda ońtústik-batystan, ońtústikten jel soǵady, kúndiz ekpini 15-20 m/s bolady dep kútiledi.
Kúndiz Batys Qazaqstan oblysynyń batysynda, soltústiginde, shyǵysynda kóktaıǵaq bolady dep kútiledi. Túnde jáne tańerteń oblystyń batysynda, soltústiginde tuman túsedi. Kúndiz oblystyń batysynda, soltústiginde soltústik-batystan, batystan soqqan jeldiń ekpini 15-20 m/s quraıdy. Oralda kúndiz kóktaıǵaq bolady dep kútiledi. Túnde jáne tańerteń tuman túsedi.
Túnde Túrkistan oblysynyń taýly aýdandarynda qatty jaýyn-shashyn (jańbyr, qar), kóktaıǵaq bolady dep kútiledi. Oblystyń batysynda, ońtústiginde, taýly jáne taý bókterli aýdandarynda tuman bolady. Ońtústik-batystan jel soǵady, oblystyń taý asýlarynda soqqan jeldiń ekpini 15-20 m/s deıin jetedi. Shymkentte, sol sekildi Túrkistanda da túnde jáne tańerteń tuman bolady dep boljanady.
Aqmola oblysynda jaıaý burqasyn júredi dep kútiledi. Oblystyń soltústiginde, shyǵysynda, ońtústiginde tuman túsedi. Kókshetaýda túnde jáne tańerteń tuman túsedi.
Túnde jáne tańerteń Mańǵystaý oblysynyń batysynda, soltústiginde, ortalyǵynda tuman, kóktaıǵaq bolady dep kútiledi.
Túnde Jambyl oblysynyń taýly aýdandarynda qatty qar jaýady. Oblystyń soltústiginde, ońtústiginde, taýly aýdandarynda tuman, kóktaıǵaq bolady dep kútiledi. Ońtústik-batystan jel soǵady, oblystyń ońtústik-batysynda, soltústik-shyǵysynda, taýly aýdandarynda soqqan jeldiń ekpini 15-20 m/s, túnde 23-28 m/s deıin jetedi. Tarazda tuman, kóktaıǵaq bolady dep kútiledi.