Jolaýshylar SU-95 tıpti ushaqpen tasymaldanady.
Bıletter áýe kompanıasynyń resmı saıtynda satylady, dep habarlaıdy Almaty-akshamy.kz
Qazaqstannyń Azamattyq avıasıa komıteti Reseıdiń avıasıa bıligimen birlesip, Almaty – Ýfa jańa baǵytyn ashý máselesin pysyqtady.
Osylaısha, reseılik Red Wings áýe kompanıasy bıyl 4 tamyzdan bastap Almaty – Ýfa baǵyty boıynsha ushady. Reıs beısenbi saıyn, aptasyna 1 ret.
Sondaı-aq 4 tamyzdan Nur-Sultan – Ýfa baǵyty boıynsha turaqty jolaýshylar reısi ashylady. Áýe reısi aptasyna bir ret, beısenbi saıyn ushady.
Avıasıa komıteti Qazaqstan men Reseı arasynda jańa reısterdiń ashylýy eki el arasyndaǵy saýda-ekonomıkalyq, ınvestısıalyq, týrısik jáne mádenı yntymaqtastyqty odan ári damytýǵa yqpal etetinin atap ótti.