Buıryq 14 mamyrdan bastap qoldanysqa engiziledi.
Qazaqstanda suıytylǵan munaı gazyn shyǵarýǵa taǵy jarty jylǵa tyıym salynady, dep habarlaıdy almaty-akshamy.kz.
"Qazaqstan Respýblıkasynyń aýmaǵynan suıytylǵan munaı gazyn (EAEO SEQ TN kody – 2711 12 970 0), propandy (EAEO SEQ TN kody – 2711 12 940 0) jáne býtandy (EAEO SEQ TN kody – 2711 13 970 0) avtomobıl jáne temirjol kóligimen shyǵarýǵa alty aı merzimge tyıym engizilsin", – delingen energetıka mınıstriniń buıryǵynda.
Tyıym salynbaıdy:
1) "Salyq jáne búdjetke tólenetin basqa da mindetti tólemder týraly" Qazaqstan Respýblıkasy Kodeksiniń (Salyq kodeksi) 722-babynyń 1-tarmaǵyna sáıkes salyq rejıminiń turaqtylyǵyna ıe, ónimdi bólý týraly kelisim (kelisimshart) ne Qazaqstan Respýblıkasynyń prezıdenti bekitken jer qoınaýyn paıdalaný kelisimsharty sheńberinde óndiristi júzege asyrǵan jer qoınaýyn paıdalanýshylardyń shyǵarýyna;
2) Qarashyǵanaq ken ornynda qazaqstandyq shıkizattan óndirilgen (qaıta óńdelgen) taýarlardy Qazaqstan Respýblıkasynyń halyqaralyq sharttary negizinde shyǵarýǵa;
3) Qazaqstan Respýblıkasynan tys jerlerde bastalatyn jáne aıaqtalatyn orny aýystyrylatyn tranzıttik tasymaldarǵa.
Buıryq 14 mamyrdan bastap qoldanysqa engiziledi.