Qarjy kólemi 33 mıllıon rúbl bolǵan.
Qazaqstannan 33 mıllıon rúbl qolma-qol aqsha alyp ketpek bolǵandar ustaldy, dep habarlaıdy Almaty-akshamy.kz Tengrinews.kz-ke silteme jasap.
UQK Shekara qyzmetiniń Qostanaı oblysy boıynsha departamentiniń málimetinshe, 17 sáýirde "Qaıraq" avtomobıl ótkizý pýnktinde qazaqstandyq azamat tizgindegen Toyota Land Cruiser 200 avtokóligin tekserý is-sharalary barysynda 33 mıllıon rúbl mólsherinde 404 858 dollarǵa teń aqshalaı qarajat tabylǵan.
"QR Prezıdentiniń 2022 jylǵy 14 naýryzdaǵy "Qazaqstan Respýblıkasynyń qarjylyq turaqtylyǵyn qamtamasyz etý jónindegi sharalar týraly" Jarlyǵyna sáıkes, shetel valútasyn, altyn quımalar men monetalardy Qazaqstan Respýblıkasynan áketýge tyıym salyndy. Atalǵan fakt boıynsha quzyretti organdar habardar etildi", - dep habarlady UQK SHQ Qostanaı oblysy boıynsha departamenti.