Qazaqstandyq sý salasynyń mamandary Japonıanyń Halyqaralyq yntymaqtastyq agenttiginiń qoldaýymen Japonıada eki aılyq kýrstan ótti, dep habarlaıdy aqshamnews.kz
Oqý kýrsynda cýdy tazartýdyń ozyq tehnologıalary, sý tazartý qondyrǵylarynyń qurylysyn josparlaý jáne basqarý, sý taratý qubyrlar jelisin kompúterlik baqylaý jáne sý suranysyn boljaý taqyryptary boıynsha dáris oqyldy. Sondaı-aq, Sapporo, Sendaı, Kobe jáne Tokıo qalalaryndaǵy sý tazalaý stansıalaryna, bolat jáne plasmassa qubyrlar shyǵaratyn zaýyttarǵa issapar uıymdastyryldy.
«Kýrs baǵdarlamasy óte aýqymdy boldy. Dáristerden bólek, sý taratý qubyrlaryn jalǵaý jáne jóndeý, sýdyń synamasyn alý jáne taǵy da basqa taqyryptarda praktıkalyq jattyǵýlar oryndadyq. Aldaǵy ýaqytta, Japonıa elinen jınaǵan tájirıbemdi turǵyndardy aýyz sýmen qamtamasyz etetin mekeme qyzmetkerlerimen bólisýdi josparlap otyrmyn»,- dedi Aral-Syrdarıa baseındik ınspeksıasynyń Sý paıdalanýdy basqarý jáne retteý bóliminiń bas mamany Farıza Madenova.