2025 jylǵa deıin elimizde 113 sport nysany salynyp, 26-sy jóndeledi.
2025 jylǵa deıin elimizde 113 sport nysany salynyp, 26 sport nysany jóndeledi. Bul málimetterdi QR Mádenıet jáne sport mınıstri Asqat Oralov Túrkistan turǵyndarymen kezdesýine aıtty, dep habarlaıdy Almaty-akshamy.kz QazAqparatqa sálteme jasap.
«Mádenıet jáne sport mınıstri retinde alǵashqy esep berý kezdesýin ótkizdim. Jumys sapary Qazaqstannyń rýhanı astanasy - Túrkistan qalasynan bastaldy. Esep berý kezdesýine óńirdiń 400-den astam turǵyny qatysty. Olardyń ishinde mádenıet, sport jáne týrızm salalarynyń qyzmetkerleri, jýrnalıser, JOO oqytýshylary, úkimettik emes uıymdar men bıznes ókilderi jáne qoǵam damýyna beı-jaı qaramaıtyn azamattar bar. Kezdesý 2 saǵattan astam ýaqytqa sozyldy. Ýaqyttyń kóp bóligi turǵyndardyń suraqtaryna jaýap berýge arnaldy», - dedi mınıstr.
Onyń sózinshe, kún tártibinde onomastıkalyq komısıa jumysynyń tujyrymdamasyn jańartý qajettiligi, Túrkistan oblysynyń shaǵyn eldi mekenderinde sport klýbtary men mádenıet úılerin salý, «Turan» balalar fýtbol akademıasyn qoldaý, sport akademıasy oqytýshylarynyń eńbekaqysyn kóterý, sporttyq jáne mádenı mekemelerdiń jumysyn baǵalaý men qarjylandyrý kezinde reıtıńtik júıe engizý, jas sportshylarǵa arnalǵan jataqhanalar salý, Túrkistan týrızm ýnıversıtetinde ótken jyly toqtatylǵan granttardy berýdi qaıta jańǵyrtý sıaqty taqyryptar kóterildi.
Esepti kezdesýden keıin azamattardy jeke qabyldaý da ótkizildi.
Sondaı-aq mınıstrlik júrgizip jatqan jumys jáne aldaǵy josparlar týraly aıtyp berdi.
«Biz sporttyq ınfraqurylymdy belsendi damytyp kele jatyrmyz, 2025 jylǵa qaraı 113 sport nysany salynyp, 26 sport nysany jóndeledi. Sondaı-aq, Túrkistanda 15 mádenı nysandy jóndeý jáne 3 mádenı nysan salý josparda tur. Rýhanı astanamyz - Túrkistannyń ósip-órkendeýine beıjaı qaramaıtyn turǵyndaryna ashyqtyǵy jáne syndarly usynystary úshin alǵys aıtamyn», - dedi Asqat Oralov.