Táýelsizdik kúni qarsańynda Túrkistanda ÓzgeEpic kreatıvti haby ashyldy.
Bul – elimizdegi on birinshi hab, dep habarlaıdy aqshamnews.kz Mádenıet jáne aqparat mınıstrligine silteme jasap.
Shyǵarmashylyq keńistik Memleket basshysynyń tapsyrmasymen qurylǵan. Qasym-Jomart Toqaev kreatıv ındýstrıalardy damytýǵa erekshe nazar aýdaryp, Qazaqstannyń barlyq iri qalalarynda habtar ashý mindetin qoıdy.
Saltanatty is-sharaǵa QR Parlamentiniń depýtattary, QR Mádenıet jáne aqparat mınıstrliginiń ókilderi, «Qazposhta» AQ, jergilikti atqarýshy organdar jáne óńirdiń kreatorlary qatysty.
Túrkistandaǵy kreatıv hab QR Mádenıet jáne aqparat mınıstrligi men «Qazposhta» AQ arasyndaǵy kelisim aıasynda ashyldy. Ortalyq aksıonerlik qoǵam fılıaldarynyń birinde ornalasqan. Yntymaqtastyq boıynsha ortaq jobalar jasalatyn bolady.
Habtyń ashylýynda ınklúzıvti kreatıv ındýstrıasyn qoldaýǵa baǵyttalǵan «Kórinbeıtin álem» kórmesi de usynyldy.
Atalmysh alańnyń aýdany – 400 sharshy metr. Negizgi nazar túrli halyqtardyń qolóner týyndylaryna aýdarylǵan.
Túrkistan oblysynda barlyǵy 1341 kreatıv ındýstrıa sýbektisi tirkelgen. Óńir kıim tigý jáne aksesýarlar jasaý baǵyttary boıynsha kósh bastap tur.