Sanıtarlyq-epıdemıologıalyq qyzmettiń mamandary aı saıyn oıynshyqtardyń qaýipsizdigine monıtorıń júrgizedi.
Densaýlyq saqtaý mınıstrliginiń Sanıtarlyq-epıdemıologıalyq baqylaý komıteti Qazaqstanda synaqtan ótken oıynshyqtardyń 43%-dan astamy qaýipsizdik talaptaryna saı emes ekenin aıtty, dep habarlaıdy Almaty-akshamy.kz Elorda.info-ǵa silteme jasap.
Osylaısha, 2022 jyldyń 2 aıynda respýblıka boıynsha 397 úlgi iriktelip, zertteldi, onyń 173-i talaptarǵa sáıkes kelmedi, bul 43,5 paıyzdy qurady. Onyń ishinde, otandyq -1 (0,5 paıyz), EAEO-ǵa múshe memleketter - 16 (9,2 paıyz), basqa elder - 156 (90,1 paıyz).
Negizinen, buzýshylyqtardyń ishinde tańbalaýǵa qatysty 100 paıyz, organoleptıkalyq kórsetkishter boıynsha 3,4 paıyz, sanıtarlyq-hımıalyq kórsetkishter boıynsha 8 paıyz (oıynshyqtyń quramynda Qytaı men Ózbekstan Respýblıkasynda óndirilgen oıynshyqtarda fenol, formaldegıd, benzol, metıl spırti, geptan deńgeıiniń artýy anyqtaldy), – delingen habarlamada.