Buıryq 2022 jylǵy 24 qyrkúıekte kúshine enedi.
Oqýǵa túsý úshin qujattar memlekettik korporasıa arqyly tapsyrylady, dep habarlaıdy Almaty-akshamy.kz
Oqý-aǵartý mınıstriniń 2022 jylǵy 1 qyrkúıektegi buıryǵymen «Balalarǵa qosymsha bilim berýdi qamtamasyz etý úshin qujattardy qabyldaý jáne olarǵa qosymsha bilim berý uıymdaryna oqýǵa qabyldaý» memlekettik qyzmet kórsetý qaǵıdasyna ózgeris engizildi.
Sonymen balalardy mýzyka, óner mektepteri, kórkemóner mektepteri men kórkem-estetıkalyq baǵyttaǵy mektepterdi qospaǵanda, olarǵa qosymsha bilim berýdi qamtamasyz etý úshin balalarǵa arnalǵan qosymsha bilim berý uıymdaryna qabyldaý belgilengen tártippen júzege asyrylady.
Oqýǵa túsý úshin qujattar memlekettik korporasıa arqyly tapsyrylady.
Atap aıtqanda, mynalardy usyný kerek:
ata-anasynyń bireýiniń (nemese basqa zańdy ókilderiniń) ótinishi;
balanyń jeke basyn kýálandyratyn qujat nemese sıfrlyq qujattama qyzmetiniń elektrondyq qujaty;
№ 027/ý nysanyndaǵy medısınalyq anyqtama;
memlekettik qyzmetterdi kórsetý úshin qajet shekteýli derbes derekterge qol jetkizýge kelisim berý.
Balalarǵa qosymsha bilim berý uıymynda qujattardy qabyldaý qujattar toptamasyn tapsyrǵan sátten bastap 30 mınýt ishinde júzege asady.
Qujattar toptamasyn tapsyrý úshin kútýdiń ruqsat etilgen eń uzaq ýaqyty – 15 mınýt, qyzmet kórsetýdiń ruqsat etilgen eń uzaq ýaqyty da solaı.
Bul rette balalardy mýzyka, óner mektepterin, kórkemóner mektepterin jáne kórkem-estetıkalyq baǵyttaǵy mektepterdi qospaǵanda, balalarǵa arnalǵan qosymsha bilim berý uıymdaryna qabyldaý oryn bolǵan jaǵdaıda júzege asatyny kórsetiledi.
Balalar mýzyka, balalar óner mektepterine, kórkemóner mektepterine jáne kórkemdik-estetıkalyq baǵyttaǵy mektepterge qabyldaý áńgimelesý nátıjesi boıynsha júzege asyrylady.
Áńgimelesý barysynda pedagog balalardyń ónerdiń ár túri (mýzykalyq, beıneleý, horeografıalyq, teatrlyq) salasyndaǵy qabiletteriniń damý deńgeıin anyqtaıdy.