Bul týraly Aqordada Ońtústik Koreıa Prezıdenti Iýn Sok Ólmen kelissózderden keıingi birlesken málimdeme barysynda Memleket basshysy Qasym-Jomart Toqaev aıtty, dep habarlaıdy
Búgin banktik qadaǵalaý salasyndaǵy ózara túsinistik týraly memorandýmǵa qol qoıyldy. Jańa qujat arqyly ınvestısıalar qaýipsizdigin baqylaýdyń tártibi rettelmek. Elimizde koreılik Bank Finance Kazakhstan mıkroqarjy uıymy bar. Men ony ekinshi deńgeıdegi bankke aınaldyrý týraly sheshimdi qoldaımyn, - dedi Prezıdent.
Sondaı-aq Prezıdent ǵylym jáne bilim salasyndaǵy yntymaqtastyqtyń da udaıy nyǵaıyp kele jatqanyn aıtty.
Koreıanyń joǵary oqý oryndarynda 1000-nan astam qazaq jastary bilim alyp jatyr. Ózderińizge málim Qazaqstan tehnıkalyq mamandar daıaralý máselesine erekshe kóńil bóledi. Buǵan koreıalyq áriptesterimiz qoldaý kórsetip otyr. Elderimiz ǵylym jáne tehnologıa salysyndaǵy yntymaqtastyqty damyta túsýge kelisti. Osyǵan oraı Túrkistanda Koreıanyń Woosong ýnıversıtetiniń fılıalyn ashý máselesi pysyqtalady. Biz mádenı-gýmanıtarlyq baılanysty kúsheıtýge de basa nazar aýdardyq. Qazaqstanda turyp jatqan koreı dıasporasyna óz tilin saqtap, damytýyna qoldaý kórsetiledi. Osy maqsatpen eki el aýmaǵynda turaqty túrde mádenı sharalar ótkizýge ýaǵdalastyq. Qazaqstan azamattary Koreıaǵa 30 kúnge deıin vızasyz bara alady. Astana-Seýl baǵytynda tikeleı reıs ashylady. Áýe reısteriniń ulǵaıýy eki el arasyndaǵy baılanysty nyǵaıta túsetini sózsiz, - dedi Memleket basshysy Qasym-Jomart Toqaev.