Bul týraly Qorǵanys mınıstrligi Zeınetaqy ortalyǵynyń basshysy Qaıyrjan Bımoldın aıtty.
Qazaqstanda áskerı qyzmetshilerdiń zeınet jasy ulǵaıady, dep habarlaıdy Almaty-akshamy.kz
«Úkimet bekitken eń basty norma - barlyq áskerı qyzmetshiler memlekettik búdjet arqyly zeınetaqy taǵaıyndaý júıesine kóshti. Buryn 2016 jylǵa deıin jınaqtaý júıesinde bolǵanbyz. Bul óte jaqsy jetistik dep oılaımyn. Zeınet jasy boıynsha uzartý «Áskerı qyzmetshilerdiń mártebesi týraly» zańda qarastyrylǵan. Bıyl ol zańǵa ózgerister engizildi. Soǵan sáıkes, áskerı qyzmetshiniń jasyn 5 jylǵa deıin sozýǵa bolady», - dedi Qaıyrjan Bımoldın.
Sondaı-aq, ol áskerı qyzmetshilerdiń zeınetaqysy qalaı esepteletinin túsindirip ótti.
«Zeınetaqy mólsheri áskerı qyzmetshiniń eńbek ótiline tikeleı baılanysty. Naqty aıtsaq, eger 25 jyl eńbek ótili bolsa, áskerı qyzmetshige 50 paıyz zeınetaqy taǵaıyndalady. Al 25-ten asqan ár jylǵa 2 paıyzdan qosylyp otyrady. Mysaly, 30 jyl eńbek ótili bar áskerı qyzmetshige óziniń alyp otyrǵan jalaqysynyń 60 paıyz zeınetaqy taǵaıyndalady», - dedi ol.
Bımoldın zeınetaqyny kóterý «Zeınetaqymen qamsyzdandyrý týraly» zańnyń 4-babynyń 4-tarmaǵynda da qarastyrylǵanyn, ósýdiń normalaryn nemese paıyzyn qarjy jylyna arnalǵan respýblıkalyq búdjet bekitetinin aıtty.