Bul suraqqa QR Qorǵanys mınıstri Rýslan Jaqsylyqov jaýap berdi.
Mınıstrdiń aıtýynsha, zańgerler, qarjygerler, dárigerler, mýzykanttar jáne basqalar sıaqty áskerı-eseptik mamandyqtar bar, dep habarlaıdy Almaty-akshamy.kz
«Joǵary jáne joǵary oqý ornynan keıingi bilimniń bilim berý baǵdarlamalaryn iske asyratyn bilim berý uıymdarynda oqýǵa zapastaǵy ofıserler men serjanttar baǵdarlamasy boıynsha áskerı-eseptik mamandyqtar boıynsha áskerı daıarlyqqa jyl saıynǵy qabyldaý úshin azamattar sanyn aıqyndaý vedimistik buıryq negizinde júrgiziledi. Jumyldyrý qajettiligine onyń ishinde zańgerler, qarjygerler, dárigerler, mýzykanttar jáne basqalar sıaqty áskerı-eseptik mamandyqtar kiredi», - dep jaýap berdi Rýslan Jaqsylyqov depýtattyq saýalǵa.
Mınıstrdiń aıtýynsha, JJOKBU-da zapastaǵy ofıserler men serjanttardy daıarlaý júıesi qazirgi zamanǵy damý kezeńinde qarýly kúshterdiń, basqa da áskerlerdiń, áskerı quralymdardyń naqty jumyldyrý qajettiligine jaýap beredi.
Sonymen qatar kelesi mindetterdi sheshýge múmkindik beredi:
- Qarýly Kúshterdi strategıalyq óristetý úshin qajetti áskerı oqytylǵan rezervtiń jetkilikti sanyn daıarlaýdy jáne jınaqtaýdy júzege asyrýǵa;
- anaǵurlym qajetti áskerı mamandyqtar boıynsha mamandardy daıarlaýda múmkindikterdi keńeıtýge;
- ofıserler men serjanttar quramynyń áskerı oqytylǵan rezervin qajetti kólemde qamtamasyz etýge jáne qoldaýǵa;
- QR Qarýly Kúshteri, basqa da áskerleri men áskerı quralymdary ofıserler quramynyń alǵashqy laýazymdaryn qosymsha jasaqtaý úshin rezervti daıarlaýdy jetildirýge;
- olardyń óńirlik ornalasýyn eskere otyryp, áskerı kafedralardyń bar áleýetin tıimdi paıdalaný beıbit jáne soǵys ýaqytynda jasaqtaý máselelerin ǵana emes, áskerı-patrıottyq tárbıeleý jáne jastarǵa teris aqparattyq yqpal etýge qarsy is-qımyl máselelerin de sheshýge múmkindik beredi.