Onda otandyq múltfılmder men balalarǵa arnalǵan kontent júktelgen.
Aqparat jáne qoǵamdyq damý mınıstri Asqar Omarovtyń aıtýynsha, bolashaqta sheteldik anımasıalardy da platformaǵa engizý josparlanyp otyr. Mınıstr búginde qazaqstandyq anımasıaǵa suranys artqanyn tilge tıek etti, dep habarlaıdy Almaty-akshamy.kz 24.kz-ke silteme jasap.
Qosymshany Android pen IOS qurylǵylaryna júktep alýǵa bolady.
«Qazirgi kezde ózinshe strımıng servısine 3 myń 400 mınýttaı kontent júktelgen. Bul kontent ári qaraı úlkeıedi. Bizde 10 jyldyń ishinde Qazaqstanda otandyq anımasıa mektebi quryldy. Anımasıa qazirgi kezde Qazaqstanda kóp. Bizben shekaralas elderde anımasıany satyp alyp jatyr. Qazir bizdiń anımasıa boıynsha mamandar Qytaımen, Reseı, Túrkıamen jumys istep jatyr», - dedi QR Aqparat jáne qoǵamdyq damý mınıstri Asqar Omarov.
«Jalpy, qazirgi qazaq anımasıasynyń, qazaq múltıplıkasıasynyń damý úrdisi Túrki áleminiń ishinde birshama joǵary ekeni málim. Aýdıtorıasy tek qana Qazaqstannyń sheńberinde ǵana emes. Osy baýyrlas elderge keńinen taraıdy degen oıdamyz», - dedi Halyqaralyq Túrki akademıasynyń prezıdenti Darhan Qydyráli.
.