Qazaqstan astanasynda Ortalyq Azıadaǵy áýe kemelerine tehnıkalyq qyzmet kórsetin alǵashqy ortalyq ashylady
Munda aldymen áskerı ushaqtar jóndeletin bolady. Al aldaǵy ýaqytta servıstik qyzmetpen azamattyq avıasıadaǵy áýe kemelerin de qamtý josparda bar, dep habarlaıdy Almaty-akshamy.kz
«Bul qyzmet kórsetý ortalyǵy búkil Ortalyq Azıa aımaǵyn qamtıdy. Áskerı baǵyt aıasynda «Airbus SI295» ushaǵyn meńgerip jatyrmyz. Memorandýmǵa sáıkes, «Airbus» kompanıasy bul jerde tehnıkalyq aýdıt júrgizgen. Bizdegi barlyq múmkindik talqylanýda», - deıdi QR IIDM Qorǵanys ónerkásip kesheni departamentiniń basqarma basshysy Oralbaı Mámbetov.
Qyzmet kórsetý ortalyǵyn qurý ushaq jóndeýdiń kúrdeli túrlerine kóshýge múmkindik beretinin atap ótken jón. Óıtkeni buryn mundaı jumystar Ispanıada ǵana oryndalatyn. Otandyq mamandardy oqytý men daıyndaý da sol memlekette júrgizilgen edi. Aldaǵy eki jylda el ishinde ushaqtarǵa tolyq tehnıkalyq qyzmet kórsetýdi ıgerý josparlanýda.
«Osy úlgidegi ushaqtarda kóp jyldar boıy jumys istegen tájirıbeli sheteldik mamandar tartylǵan. Biliktilik pen tájirıbe almasý da bar. Otandyq kásiporyndarda jóndeý jumystarynyń lokalızasıalaý úlesi artyp keledi», - dedi «Qazaqstandyq avıasıalyq ındýstrıa» JSHS jobalar basqarmasynyń basshysy Aıdar Ánýarbek.