Bul týraly krımınaldyq polısıa departamenti kıberqylmysqa qarsy kúres ortalyǵynyń bastyǵy Jandos Súıinbaı málimdedi.
Qazaqstandyqtar úsh aıda 3 mıllıard teńgege aldandy, dep habarlaıdy Almaty-akshamy.kz
"Alaıaqtyq jasaýdyń eń kóp taraǵan tásili – onlaın saýda, ol belgili saýda alańdarynyń saıttarynda, sondaı-aq áleýmettik jeliler men messendjerlerde jarnamalardy ornalastyrý arqyly júzege asyrylady. Alaıaqtar taýarǵa nemese qyzmetke tómen baǵa kórsetip, aldyn ala tólemdi nemese tolyq tólemdi suraıdy. Bıyl osyndaı 2 myńnan asa qylmys tirkeldi", - dedi Súıinbaı búgingi onlaın brıfıńte.
Alaıaqtardyń qurbany bolmaý úshin birneshe qarapaıym saqtyq sharasyn umytpaý kerek. Olar:
tekserilgen jarnama saıttaryn paıdalaný;
taýardy alǵannan keıin tólem jasaý;
taýardyń bar ekenine kóz jetkizý.
Al satýshy basqa qalada bolsa, taýardy tanystar nemese týystar arqyly jiberýdi suraýǵa bolady.