Senat otyrysynda depýtattar «Kınematografıa týraly» jáne «Mádenıet týraly» zańdarǵa engiziletin ózgeristerdi maquldady.
Qujat aıasynda atalǵan salanyń materıaldyq-tehnıkalyq bazasyn saqtaý men damytýdy júıelendirý tetikteri qarastyrylǵan, dep habarlaıdy Almaty-akshamy.kz.
Balalar anımasıalyq jáne otbasymen kórýge arnalǵan fılmderdi qazaq tilinde dýblájdaýdy memlekettik qoldaý qarastyrylǵan. Otandyq kınoındýstrıany damytý men ınvestısıa tartý maqsatynda Ulttyq kınokomıssıa qurý josparlanyp otyr.
«Ulttyq fılmderdi shyǵarýǵa bólinetin qarajatty bólýdiń jańa tásilderi 70 paıyzy tarıhı, patrıottyq jáne ımıjdik, 30 paıyzy jeke jobalardy, onyń ishinde debúttik fılmderdi qarjylandyrýǵa búdjet qarajatyn qoǵamdyq mańyzy bar shyǵarmashylyq jobalardy júzege asyrýǵa baǵyttaýǵa yqpal etedi», - deıdi QR Parlamenti Senatynyń depýtaty Nurtóre Júsip.