Qazaqstanda tumaý jáne JRVI boıynsha aǵymdaǵy maýsymda turaqty epıdemıologıalyq jaǵdaı qalyptasty.
Syrqattanýshylyqtyń maýsymdyq ósýi baıqalady, degenmen respýblıka boıynsha jáne óńirler bólinisinde de aýrýdyń boljamdy shekti deńgeıinen asyp ketý derekteri anyqtalǵan joq, dep habarlaıdy Almaty-akshamy.kz Sanıtarlyq - epıdemıologıalyq baqylaý komıtetine silteme jasap.
Sanıtarlyq-epıdemıologıalyq baqylaý qyzmeti syrqattanýshylyqty, tumaý vırýsynyń aınalymyn monıtorıńteý jáne vırýstyń jańa shtamdaryn anyqtaý túrinde tumaý men tumaý tárizdi aýrýlardy (JRVI) epıdemıologıalyq qadaǵalaýdyń tıimdi júıesin qamtamasyz etken.
Epıdemıalyq maýsym bastalǵannan beri, ıaǵnı 2021 jylǵy 1 qazannan bastap respýblıka boıynsha JRVI juqtyrýdyń 2 mln 730 myń jaǵdaıy tirkeldi. Jiti respıratorlyq vırýsty ınfeksıaǵa shaldyqqandardyń basym úlesin 14 jasqa deıingi balalar quraıdy - 2 mln 23 myń jaǵdaı, bul jalpy anyqtalǵan derekterdiń 74% quraıdy. Sonymen qatar aǵymdaǵy epıdmaýsymda tumaýdyń 547 jaǵdaıy tirkeldi, onyń ishinde 14 jasqa deıingi 237 bala osy indetke shaldyqty.
Respýblıka aýmaǵynda A/H3N2 jáne B tumaýy vırýstarynyń aınalymy belgilengen, sonymen qatar sırkýlásıada tumaý vırýsymen qatar basqa da tumaý emes vırýstar anyqtaly: paragrıpp, RS-vırýs, metapnevmovırýs, rınovırýs, bokovırýs, adenovırýs.
Basqa tumaý emes vırýstardan rınovırýstar, RS vırýsy jáne paragrıpp aınalymy basym. Tumaýǵa qarsy ekpe-aýrýdyń aldyn alýdyń eń tıimdi sharalarynyń biri. Vırýs juqtyrǵan jaǵdaıda alynǵan vaksına aýrýdyń aýyr aǵymynan jáne asqynýlardan qorǵaıdy.
JRVI maýsymyna daıyndyq sheńberinde Reseıde óndirilgen «Grıppol plús» vaksınasy satyp alyndy. Vaksınanyń quramynda maýsymdyq a(H3N2) jáne A(H1N1) tumaýyna jáne V tıpti tumaý vırýsy shtamyna qarsy antıgender bar.
Qazaqstanda tumaýǵa qarsy vaksınasıa naýqany 15 qyrkúıekte bastaldy. Búgingi tańda elimizde 2,6 mln-nan astam adam tumaýǵa qarsy ımýnıtetin nyǵaıtty. Olardyń ishinde jergilikti búdjet qarajaty esebinen 2 mln 577 myń adam, jumys berýshiler esebinen 66 myń adam, sondaı-aq aqyly negizde 56 myń adam ekpe saldyrdy. Búgingi kúni vaksınadan keıingi asqyný jaǵdaılary tirkelgen joq.