Bul týraly QR Qarjy naryǵyn retteý jáne damytý agenttigi málimdedi.
Qazirgi ýaqytta Qazaqstan naryǵyndaǵy toǵyz bank boıynsha taratý prosesi júrip jatyr, dep habarlaıdy Almaty-akshamy.kz
«Qazaqstan Respýblıkasynyń keıbir zańnamalyq aktilerine qarjy uıymdarynyń qyzmetin retteý jáne qarjylyq kórsetiletin qyzmetterdi tutynýshylardyń quqyqtaryn qorǵaý máseleleri boıynsha ózgerister men tolyqtyrýlar engizý týraly» zań jobasy «Ashyq NQA» portalynda jarıalandy.
Belgili bolǵandaı, agenttik 2022 jyldyń basynan beri ekinshi deńgeıli bankterdiń basshy qyzmetkeri laýazymyna 13 úmitkerdi bekitýden bas tartqan.
«Baǵaly qaǵazdar naryǵynda 49 sýbekt jumys isteıdi, bul rette 2022 jyldyń basynan bastap Agenttik basshy qyzmetker laýazymyna 10 kandıdatty kelisýden bas tartty. Saqtandyrý sektorynda 26 uıym jumys isteıdi, 2022 jyldan bastap ýákiletti organ basshy qyzmetker laýazymyna 11 kandıdatty kelisýden bas tartty. Mıkrokredıt berý sektorynda 252 mıkroqarjy uıymynyń mıkroqarjylyq qyzmetti júzege asyrýǵa arnalǵan lısenzıasy bar, bul rette 2022 jyldyń basynan bastap 17 kompanıa lısenzıasynan aıyryldy», - delingen qujatta.
Sonymen qatar Qazaqstan Respýblıkasynyń zańnamasynda áreketi ne áreketsizdigi qarjy uıymyn májbúrlep taratýǵa nemese ony bankrot dep tanýǵa ákep soqqan tulǵalardy Agenttiktiń esepke alý múmkindigi kózdelmegen.
«Osyǵan baılanysty ózge qarjy uıymdarynda olardyń basshylyq laýazymǵa ornalasýyna jol bermeý maqsatynda osy adamdardyń esebin júrgizý jáne baqylaý júrgizý usynylady. Osylaısha, ýákiletti organ josyqsyz adamdardyń qarjy sektoryndaǵy laýazymdarǵa ornalasýyna jol bermeý jóninde sharalar qabyldaı alady», - delingen qujatta.
Qujatty qoǵamdyq talqylaý 26 shildege deıin jalǵasady.