Ýnıversıtet Jezqazǵan qalasynda ashylady.
QR Ǵylym jáne joǵary bilim mınıstrligi "Ulytaý tehnıkalyq ýnıversıteti" komersıalyq emes aksıonerlik qoǵamyn qurý týraly Úkimet qaýlysynyń jobasyn ázirledi, dep habarlaıdy Almaty-akshamy.kz
"Memlekettiń jarǵylyq kapıtalyna júz paıyz qatysýymen "Ulytaý tehnıkalyq ýnıversıteti" komersıalyq emes aksıonerlik qoǵamy qurylsyn", - delingen qujatta.
QR Ǵylym jáne joǵary bilim mınıstrligine 2023 jylǵa arnalǵan respýblıkalyq búdjette shuǵyl shyǵyndarǵa kózdelgen Qazaqstan Respýblıkasy Úkimetiniń rezervinen qurylatyn atalǵan aksıonerlik qoǵamǵa jarǵylyq kapıtalyn qalyptastyrý úshin 500 000 000 (bes júz mıllıon) teńge bólinsin.
"Onyń qyzmetiniń negizgi máni tehnıkalyq jáne kásiptik, orta bilimnen keıingi, joǵary jáne (nemese) joǵary oqý ornynan keıingi, qosymsha bilim berý salasynda bilim berý qyzmetterin usyný bolyp aıqyndalsyn", - delinedi qujatta.
Qujat qoǵamdyq talqy úshin "Ashyq NQA" saıtyna 19 maýsymǵa deıin ornalastyrylǵan.