Jezqazǵanda sonaý Keńestik kezeńde búkilodaqtyq týrnırlerde júlde salǵan «Eńbek» fýtbol komandasy qaıta qurylmaq.
Qazirdiń ózinde uıymdastyrý jumystary bastalyp ketti. Oblys ákimdigi men Qazaqstan fýtbol federasıasy arasynda ekijaqty memorandýmǵa qol qoıyldy. Kelisimge sáıkes 2023 jyldyń naýryz aıyna deıin jańa komanda jasaqtalady, dep habarlaıdy Almaty-akshamy.kz 24.kz-ke silteme jasap.
"Kásibı komanda men bapkerlik quramdy qalyptastyrý tolyǵymen demeýshiler esebinen júzege asady. Óńirdegi fýtbol stadıondary men jattyǵý bazalarynyń da materıaldyq jaǵdaıyna basa kóńil bólinbek. Jańa komandanyń ataýy «Eńbek» bolyp qalýy nemese ózgerýi de múmkin. Ony jankúıerler arasynda saýalnama júrgizý arqyly anyqtaıdy. Fýtbol klýby aldyndaǵy basty maqsat – aldaǵy 2-3 jyldyń ishinde Qazaqstan Premer-lıgasyna shyǵý", - deıdi basy-qasyndaǵylar.
«Men kezinde, 1996 jyly, «Eńbek» komandasynda dop tepkem. Biz komandany 1-shi lıgadan joǵary lıgaǵa ótkizdik. Keıingi jyldary kóptegen qıyndyqtar oryn aldy. Sońǵy 12 jyldyń kóleminde bul óńirde úlken fýtbol múlde bolǵan joq. Endi, mine, bárimiz birlesip, kúsh biriktirip, qysqa merzimde Ulytaý oblysyndaǵy kásibı fýtboldy damytamyz dep oılaımyn», - deıdi fýtbol ardageri Talǵat Baısýfınov.