Qańtar-maýsym aralyǵynda 36,3 mln lıtr jemis pen kókónis shyryndary óndirildi.
Bul ótken jyldyń uqsas kezeńimen salystyrǵanda 1,4 paıyzǵa artyq, dep habarlaıdy Almaty-akshamy.kz.
Energyprom.kz málimetinshe, óndiristiń 34,4 mln lıtri jemis shyryndarynyń úlesine tıdi. Onyń ishinde apelsın shyryny – 14,2 mln lıtr, alma shyryny – 7,3 mln lıtr, ananas shyryny – 985 myń lıtr. Budan bólek 1,8 mln lıtrden astam kókónis shyryny shyǵaryldy.
Osy jylǵy maýsym aıynyń qorytyndysy boıynsha jemis pen kókónis shyryndarynyń baǵasy bir jylda 22,7%-ǵa ósti. Jemis shyryndary 22,6%-ǵa, kókónis shyryndary 23,9%-ǵa qymbattaǵan.
Respýblıka boıynsha tabıǵı shyryn baǵasy Aqmola oblysynda aıtarlyqtaı ósken. Antılıderler qatarynda Batys Qazaqstan, Qyzylorda jáne Jetisý oblystary bar.
Sektorda eń az qymbattaý Pavlodar jáne Qaraǵandy oblystarynda tirkeldi. Maýsym aıynda tabıǵı shyryn baǵasy 1,8%-ǵa artty.