Júrgizýshi, júk tıeýshi men sheber bıyl jumys izdeýshiler arasynda eń suranysqa ıe mamandyqtar boldy.
Olx.kz onlaın-jarnama servısiniń sarapshylary 2022 jyldyń toǵyz aıyndaǵy qazaqstandyq eńbek naryǵyna baǵa berdi, dep habarlaıdy Almaty-akshamy.kz
Sonymen jumys berýshiler arasynda da, jumys izdeýshiler arasynda da eń kóp suranysqa ıe «júrgizýshi» mamandyǵy boldy. Jumys usynatyn 10 úzdik tizimniń 19%-y jáne jumys izdeýshiler arasynda 21%-y osy mamandyqty izdegen.
Qazaqstanda júrgizýshiniń ortasha jalaqysy 175 myń teńge boldy.
Bul rette naryqtaǵy eń joǵary aqy tólenetin mamandyqtar - ortasha usynylatyn jalaqysy 1 mln teńge bolatyn «stomatolog» jáne 930 myń teńge aqysy bar «júk kóliginiń júrgizýshisi» mamandyqtary.
Jumys berýshilerdiń 77%-y turaqty jumysshylardy izdeıdi. Cáıkesinshe, ótinish berýshilerdiń 70%-y mundaı jumysqa daıyn. Jumys berýshilerdiń 59%-y úshin jumys tájirıbesiniń bolýy nemese bolmaýy mańyzdy emes, al jumys izdeýshilerdiń 35%-ynyń jumys ótili úsh jyldan aspaıdy.
Sonymen qatar jumys berýshilerdiń 19% jáne 23%-y aýysymdyq jáne ıkemdi jumys kestesin usynýǵa daıyn. Jobalyq nemese ýaqytsha jumysty jumys berýshilerdiń 2%-y usynady.
Bir qyzyǵy, keıbir jumys berýshiler ǵana (1%-dan az) qyzmetkerlerdi qashyqtan jumysqa qabyldaýǵa kelisedi. Ótken jyly bul kórsetkish 3% bolǵan edi. Al jumys izdeýshilerdiń 12%-y qashyqtan jumys izdeıdi. Bul rette olardyń 15%-y tolyq emes jumys kúnin izdese, 8%-y jobalyq nemese ýaqytsha jumysty qarastyrsa, 5%-y taǵylymdamadan ótýdi qalaıdy.
Jumys izdeýshilerdiń 68%-y tolyq ýaqytty jumysqa daıyn, úmitkerlerdiń 10% jáne 12% sáıkesinshe ıkemdi keste boıynsha nemese qashyqtan jumys isteýdi qalaıdy.
Eń kóp suranysqa ıe 3 jumys baǵytyna 16% úlespen «Bólshek saýda/satý/satyp alý» jáne «Kólik/Logıstıka/qoıma» jáne 15% úlespen «Bar/meıramhana/kafeler» kirgenin atap ótken jón.