1 shildeden bastap Qazaqstannyń janarmaı quıý beketterinde suıytylǵan gaz baǵasy qymbattaıdy.
Atap aıtqanda, suıytylǵan munaı gazyn bólshek saýdada ótkizý baǵasyn respýblıka boıynsha qosymsha qun salyǵyn qosqanda 1 lıtrine 4 nemese 6 teńgege kóterý usynyldy, dep habarlaıdy Almaty-akshamy.kz.
QR «Gaz jáne gazben jabdyqtaý týraly» Zańynyń 20-babynyń 5-tarmaǵyna sáıkes, 2023 jylǵy 1 shildeden bastap Energetıka mınıstrligi avtogazdyń kóterme baǵasyn 33 600 teńgeden 40 320 teńgege deıin kóterýdi josparlap otyr.
Osylaısha, Astanada avtogaz baǵasy lıtrine 70 teńgeden 76 teńgege, Almatyda 75 teńgeden 81 teńgege, Shymkentte 60 teńgeden 64 teńgege deıin kóteriledi. Óńirlerde avtogaz baǵasy oblystyń shalǵaılyǵyna baılanysty ózgerip otyrady.
Máselen, Shyǵys Qazaqstan oblysynda 70-75 teńgeden 76-81 teńgege deıin, Atyraý oblysynda 50-55 teńgeden 54-59 teńgege, Almaty oblysynda 75-80 teńgeden 81-86 teńgege deıin, Soltústik Qazaqstan oblysynda 75-80 teńgeden 81-86 teńgege deıin, Mańǵystaý oblysynda 50-55 teńgeden 54-59 teńgege deıin qymbattaıdy.
Qujat 12 shildege deıin Ashyq NQA saıtynda ornalastyrylǵan.