Elimizde sýarý maýsymy bastalǵaly 12 myńǵa jýyq sharýaǵa 2 mlrd tekshe metr sý berildi.
Búgingi tańda vegetasıa kezeńi shtattyq kestege saı ótip jatyr, dep habarlaıdy Almaty-akshamy.kz sala mınıstrligine silteme jasap.
«Qazsýshar» mekemesi bıyl 790 myń gektardan astam aýylsharýashylyq alqabyn sýarýǵa 12 mlrd tekshe metr sý jiberýdi josparlap otyr. Onyń ishinde 7,3 mlrd tekshe metri ońtústik óńirdiń egistikterine jumsalady.
Kásiporyn fılıaldary bıyl dıhandarmen sý berý boıynsha 18758 kelisimshart jasady. Bul ótken jylmen salystyrǵanda 32%-ǵa artyq.
Sýarý maýsymyna daıyndyq aıasynda 83 gıdrobeket jóndelip, qalpyna keltirildi. Sonymen qatar 775 gıdrobeket attestasıadan ótti.
«Kásiporyn fılıaldary arnaıy sý paıdalanýǵa ruqsat aldy, sý qoımalarynyń jumys kestesi bekitildi, sýarý jelilerine vegetasıaǵa daıyndyq aıasynda jóndeý-qalpyna keltirý jumystary júrgizildi. Elimizdegi sýarmaly alqaptyń negizgi bóligi ońtústik óńirlerge tıesili, bul kásiporyn arnalary arqyly sýarylatyn egis alqaptarynyń shamamen 97%-y»,- dedi Sý resýrstary jáne ırrıgasıa mınıstrliginiń resmı ókili Móldir Ábdýalıeva.