Bul sala mamandaryn elimizdiń 5 koleji daıarlaıdy.
Qazaqstanda sý salasy mamandaryn daıarlaý jelisi keńeıtiledi, dep habarlaıdy Almaty-akshamy.kz Oqý-aǵartý mınıstrliginiń baspasóz qyzmetine silteme jasap.
Oqý-aǵartý mınıstrliginiń málimetinshe, búginde bul baǵytta elimizdiń 4 makroóńiri tańdalǵan. Onda ekonomıka salalary boıynsha, onyń ishinde sý salasynyń bolashaq mamandaryn daıarlaıtyn tirek kolejder qurylatyn bolady.
2024-2025 jyldary «Sýmen jabdyqtaý jáne sý burý júıeleriniń tazartý qurylystaryn paıdalaný», «Gıdrotehnıkalyq melıorasıa» jáne «Gıdrotehnıkalyq qurylys» jáne t.b. mamandyqtar boıynsha tehnıkalyq jáne kásiptik bilim berýde memlekettik bilim berý tapsyrysyn ulǵaıtý josparlanyp otyr.
Ońtústik makroóńirdegi tehnıkalyq jáne kásiptik bilim berýdiń bas tirek uıymy retinde Shymkent qalasyndaǵy Manap Ótebaev atyndaǵy jańa tehnologıalar joǵary koleji tańdaldy. Munda «Sýmen jabdyqtaý jáne sý burý júıeleriniń tazartý qurylystaryn paıdalaný» mamandyǵy boıynsha kadrlar daıarlanady. Stýdentterge óndiristik praktıkadan ótý múmkindigi beriledi, al arnaıy pánder pedagogteri men óndiristik oqytý sheberleri úshin biliktilikti arttyrý kýrstaryn ótkizý josparlanýda. Sondaı-aq óndiristen mamandar tartýdy josparlap otyrmyz, dedi tehnıkalyq jáne kásiptik bilim departamentiniń dırektory Áset Muhanbetov.
Búginde sý salasynyń mamandary elimizdiń 5 kolejinde daıarlanady. I.Ábdikárimov atyndaǵy Qyzylorda agrarlyq-tehnıkalyq joǵary koleji, Maqtaaral agrarlyq koleji, Túlkibas agrobıznes jáne týrızm koleji, Úshqońyr sý sharýashylyǵy koleji jáne Manap Ótebaev atyndaǵy jańa tehnologıalar joǵary kolejinde gıdrogeologıa salasynyń 300-ge jýyq bolashaq mamandary oqıdy jáne olardyń 90%-y memlekettik bilim berý tapsyrysy boıynsha bilim alady.