Karantın kezinde logıstıkalyq tizbekterdiń úzilip qalýy men sońǵy geosaıası ahýal osyǵan ákeldi.
Bul týraly Ulttyq ekonomıka mınıstri Álibek Qýantyrov aıtty. Bul rette, azyq-túlik baǵasynyń jyldyq ósimi 15,4%-ten 17,9%-ke deıin artqan, dep habarlaıdy Almaty-akshamy.kz
Ásirese qant, qyryqqabat, kúnbaǵys maıy baǵa ósimine eń kóp úles qosyp otyrǵanyn aıta ketken jón. Azyq-túlikke jatpaıtyn taýarlardyń quny da syrtqy naryqqa táýeldilik saldarynan aıtarlyqtaı qymbattaǵan.
"Mysaly, AQSH-ta ınflásıa 8 prosentten asyp ketti. Bul da olar úshin úlken rekord. Germanıada, Reseıde, Ózbekstanda rekordtar tirkeldi. Qazaqstanda da rekord úlken – sáýirdiń qorytyndysy boıynsha. Azyq-túlik ınflásıasy jalpy tutyný baǵalarynyń ındeksine qatty áser etýde. Úkimet pen Ulttyq bank tıisti sharalar qabyldap jatyr. Inflásıany aýyzdyqtaýǵa arnalǵan sharalar kesheni bar. Ulttyq bank aqsha-kredıt saıasatyn júrgizse, Úkimet jedel jáne júıeli sharalar qabyldap jatyr. Eń bastysy azyq-túliktiń ımportyn almastyrýdy 80 pprosentten 100 prosentke deıin jetkizý maqsat etilip otyr", - deıdi QR ulttyq ekonomıka Mınıstri Álibek Qýantyrov.
Premer-mınıstr Álıhan Smaıylov Úkimet múshelerine ınflásıany tejeý boıynsha tıisti sharalardy odan ári atqarýdy tapsyrdy. Memlekettik organdar men ákimdikter naryqtaǵy baǵa qubylýyn erekshe baqylaýda ustaýy tıis.