Akademıada bilim alýdan úmitkerler 4 kezeńdik irikteýden ótti.
Jýyrda Qazaqstan Respýblıkasy İİM Maqan Esbolatov atyndaǵy Almaty akademıasynda joǵary oqý ornynan keıingi bilim berý baǵdarlamalaryna sáıkes úmitkerlerdi irikteý men taǵaıyndaý boıynsha qabyldaý komısıasynyń qorytyndy otyrysy ótti, dep habarlaıdy Almaty-akshamy.kz İİM resmı saıtyna silteme jasap.
Vedimistik joǵarǵy oqý oryndarynda sybaılas jemqorlyq táýekelderin boldyrmaý maqsatynda qabyldaý emtıhandaryna Almaty qalasy Qoǵamdyq keńesiniń, Qazaqstan Respýblıkasy Sybaılas jemqorlyqqa qarsy is-qımyl agenttiniń Almaty qalasy boıynsha departamentiniń jáne Almaty qalasy PD Ózindik qaýipsizdik basqarmasynyń ókilderi qatysty.
Sondaı-aq, ishki ister organdarynyń ardagerleri de baqylaýshy retinde qatysyp, akademıalyq adaldyq qaǵıdattarynyń saqtalýyna at salysty. Qabyldaý komısıasynyń qorytyndy otyrysyna İİM Kadr saıasaty departamenti Vedimistik bilim berýdi uıymdastyrý basqarmasynyń qyzmetkerleri ZOOM platformasy arqyly qosyldy.
Tórt kezeńnen turatyn qatań irikteý barysynda úmitkerlerdiń vedimistik ǵylymǵa qosqan úlesi, sport salasyndaǵy jetistikteri men qyzmettik minezdemeleri eskerildi. Nátıjesinde doktorantýraǵa 10 adam, ǵylymı-pedagogıkalyq magıstratýraǵa 15, beıindi magıstratýraǵa 10 magıstrant qabyldandy.